జనగణన..రాష్ట్రాల వారీగా ఎస్సీ, ఎస్టీ జాబితా!

జనగణన 2027లో భాగంగా ప్రజలు తమ కుల వివరాలను నమోదు చేసే సమయంలో, ప్రతి రాష్ట్రం లేదా కేంద్రపాలిత ప్రాంతానికి సంబంధించిన షెడ్యూల్డ్ కాస్ట్స్ (SC), షెడ్యూల్డ్ ట్రైబ్స్ (ST) జాబితాలను ఆధారంగా తీసుకోవచ్చని FAQలో పేర్కొన్నారు.

“భారత జనగణన విభాగం అన్ని రాష్ట్రాలు/కేంద్రపాలిత ప్రాంతాల కోసం కులాల జాబితాను సిద్ధం చేసి, స్వీయ-నమోదు (Self-enumeration) ఫారమ్‌లలో అందుబాటులో ఉంచింది. మీ కులం లేదా గిరిజన తెగ పేరు ఆ జాబితాలో లేకపోతే ‘Other’ ఎంపికను ఎంచుకోవచ్చు,” అని FAQలో తెలిపారు.

ఈ FAQలో ప్రతి రాష్ట్రం, కేంద్రపాలిత ప్రాంతానికి ప్రత్యేకంగా ఎస్సీ, ఎస్టీ జాబితాలు ఉంటాయని స్పష్టం చేశారు. కేంద్ర జాబితా గురించి మాత్రం ప్రస్తావించలేదు.
ఈ FAQ సెక్షన్‌ను స్వీయ-నమోదు పోర్టల్‌లో ఉంచి, జనగణన ప్రశ్నలకు ప్రజలు సులభంగా సమాధానాలు ఇవ్వడానికి మార్గదర్శకంగా అందిస్తున్నారు.జనగణన 2027 పూర్తిగా డిజిటల్ విధానంలో రెండు దశల్లో నిర్వహించనున్నారు. వచ్చే నెల నుంచి ప్రారంభమయ్యే ఈ ప్రక్రియలో, ఎన్‍यుమరేటర్లు ప్రత్యేక మొబైల్ యాప్‌ను ఉపయోగించి డేటాను సేకరిస్తారు.

ప్రభుత్వం మొదటి దశలో (హౌసింగ్ లిస్టింగ్ మరియు హౌసింగ్ జనగణన) ప్రజలకు అడగబోయే 33 ప్రశ్నలను ప్రకటించింది. ఇది 2026 ఏప్రిల్ 1 నుంచి ప్రారంభమవుతుంది. రెండో దశలో జనాభా లెక్కింపు జరుగుతుంది. FAQలో కొన్ని క్లిష్టమైన ప్రశ్నలకు కూడా సమాధానాలు ఇచ్చారు. ఉదాహరణకు: “లివ్-ఇన్ రిలేషన్‌లో ఉన్న జంటను పెళ్లైన జంటగా పరిగణించాలా?” అనే ప్రశ్నకు, “వాళ్లు తమ సంబంధాన్ని స్థిరమైన బంధంగా భావిస్తే, వారిని పెళ్లైన జంటగా పరిగణించాలి” అని సమాధానం ఇచ్చారు.

ఇంకా, ఇళ్ల ఫ్లోరింగ్, పైకప్పు నిర్మాణం, తాగునీటి వనరు, ఇంట్లో ఉన్న వివాహిత జంటల సంఖ్య, కుటుంబ నాయకుడి లింగం, కుటుంబం వినియోగించే ధాన్యాల రకం వంటి అంశాలపై కూడా ప్రశ్నలు ఉంటాయి.

మొబైల్ ఫోన్‌లో FM రేడియో ఉంటే దాన్ని ‘రేడియో’గా పరిగణించాలా? అనే ప్రశ్నకు “అవును. ‘On Mobile/Smartphone’గా నమోదు చేయాలి” అని FAQలో స్పష్టం చేశారు.

Also Read:కాంగ్రెస్ ప్రభుత్వాన్ని కడిగిపారేసిన కాగ్

కేంద్ర హోంశాఖ (MHA) ఒక ప్రకటనలో రాష్ట్రాలు/కేంద్రపాలిత ప్రాంతాల వారీగా హౌసింగ్ లిస్టింగ్ మరియు స్వీయ-నమోదు కాలపట్టికను విడుదల చేసింది. ఒడిశా, కర్ణాటక, గోవా, లక్షద్వీప్ వంటి ప్రాంతాల్లో ఏప్రిల్ 1 నుంచి 15 రోజుల పాటు స్వీయ-నమోదు జరుగుతుంది. ఆ తర్వాత ఏప్రిల్ 16 నుంచి హౌసింగ్ లిస్టింగ్ ప్రారంభమవుతుంది.