ప్రముఖ అమెరికా నటి, డ్యాన్సర్, కొరియోగ్రాఫర్ లారెన్ గోట్లేబ్ నాటునాటు సాంగ్‌కు డ్యాన్స్ చేయనుంది. లాస్‌ఏంజిల్స్‌లోని డాల్బీ థియేటర్‌లో నిర్వహించే 95వ ఆస్కార్ వేడుకలో భాగంగా నాటునాటు సాంగ్‌ను రాహుల్‌ సిప్లిగంజ్, కాలభైరవ పాడనున్నారు. కాగా ఇదే పాటతో డ్యాన్స్‌తో ఆలరించడానికి లారెన్ గోట్లేబ్ సిద్ధమవుతుంది. దీనికి సంబంధించిన ఫోటోలను తన ఇన్‌స్టాగ్రామ్ ద్వారా అభిమానులతో పంచుకుంది.
నాటు నాటు సాంగ్‌తో పాటుగా ఎవరీథింగ్ ఎవరీవేర్ ఆల్ ఎట్ వన్స్ నుంచి థిస్ ఇజ్ ఏ లైఫ్, టెల్‌ ఇట్ లైక్ ఏ వుమెన్ నుంచి అప్లాజ్, బ్లాక్ పాంథర్ వాంకాండ ఫర్‌ఎవర్‌ నుంచి లిఫ్ట్ మి ఆప్ ఆస్కార్ వేదికపై ఈ పాటలను ఆలరించనున్నారు. అయితే ఇప్పటికే ఓరిజనల్‌ సాంగ్ విభాగంలో నాటునాటు పాటకు గోల్డెల్ గ్లోబ్‌ అవార్డు వచ్చిన సంగతి తెలిసిందే. దీంతో పాటుగా అంతర్జాతీయ క్రిటిక్స్ ఛాయిస్ అవార్డు కూడా సొంతం చేసుకున్న విషయం విధితమే. ఇప్పటికే ఎన్టీఆర్ ఆస్కార్ వేదికపై నాటునాటు సాంగ్‌తో డ్యాన్స్ చేయట్లేదని ప్రకటించారు.
ఇవి కూడా చదవండి…
