విజువల్ డైరెక్టర్ శంకర్ – మెగాపవర్ స్టార్ రామ్ చరణ్ సినిమా గురించి అందరికీ తెలిసిందే. ఆల్రెడీ మూవీ షూటింగ్ కూడా జరుగుతుంది. త్వరలోనే సినిమా రిలీజ్ డేట్ కూడా ఖరారు చేసే అవకాశం ఉంది. మరి చరణ్ – ఉప్పెన ఫేమ్ బుచ్చిబాబు సినిమా సంగతేంటి? ఈ ప్రాజెక్టు కూడా ఉందనే విషయం అందరికీ తెలుసు. ఇప్పటికే ఎనౌన్స్ మెంట్ వచ్చింది. శంకర్ సినిమా తర్వాత దర్శకుడు బుచ్చిబాబు సినిమానే సెట్స్ పైకి వస్తుందనే విషయం కూడా తెలుసు. అయితే దానికి సంబంధించిన ప్రకటన ఈ నెలలోనే వస్తుందని ఆశగా ఎదురుచూస్తున్నారు రామ్ చరణ్ ఫ్యాన్స్. ఈనెల 15న సంక్రాంతి పండుగ నాడు చరణ్ – బుచ్చిబాబు సినిమా ప్రకటన ఉండబోతుందట.
ఎలాగూ ఈ ఏడాది రామ్ చరణ్ నుంచి ఒక్క సినిమా కూడా రిలీజ్ ఉండదు అని ప్రచారం జరుగుతుంది. ఇప్పటికే ఈ వార్త మెగా ఫ్యాన్స్ ను నిరుత్సాహ పరుస్తోంది. అందుకే.. తెలుగు వారి పెద్ద పండగలు నాడు తన సినిమాలకు సంబంధించి ఏదో ఒక అప్ డేట్ ఇవ్వాలని రామ్ చరణ్ ఫిక్స్ అయ్యాడు. ఈ క్రమంలోనే ఈ నెల 15న చరణ్ – బుచ్చిబాబు సినిమాపై కీలక ప్రకటన వచ్చే అవకాశం ఉందని మెగా ఫ్యాన్స్ భావిస్తున్నారు. నిజానికి రామ్ చరణ్ సినిమాకు సంబంధించి బుచ్చిబాబు ఇంకా పూర్తిగా ప్రిపేర్ అవ్వలేదు. కథ ఏంటనేది ఫిక్స్ అయినా.. సినిమా తాలూకు అవుట్ ఫుట్ రిలీజ్ చేసేంత దూరం బుచ్చిబాబు వెళ్ళలేదు.
మరి ఈ లెక్కన ఈ నెల 15న చరణ్ – బుచ్చిబాబు సినిమాకి సంబంధించిన ఫస్ట్ లుక్ వస్తుందా అనేది అనుమానమే. అయితే అదే రోజు చరణ్ – బుచ్చిబాబు సినిమాకు సంబంధించి కచ్చితంగా అప్ డేట్ ఉండే అవకాశం ఉంది. రామ్ చరణ్ ప్రీ-లుక్ ను రిలీజ్ చేయకపోయినా.. రెగ్యులర్ షూటింగ్ అప్ డేట్ తో ఓ పోస్టర్ వచ్చే అవకాశం ఉంది. సినిమా ఏ జోనర్ లో ఉంటుంది ?, సినిమా ఎప్పుడు రిలీజ్ అవుతుంది? లాంటి విషయాలను మాత్రం బుచ్చిబాబు ఇప్పుడు రివీల్ చెయ్యడట. మరీ చివరకు రామ్ చరణ్ ఫ్యాన్స్ కోసం.. దర్శకుడు బుచ్చిబాబు ఏం చేస్తాడో చూడాలి.
ఇవి కూడా చదవండి..
