కాఫీ డే సీఈఓగా సిద్ధార్థ మాళవిక

కాఫీ డే సీఈఓగా సిద్దార్థ మాళవిక హెగ్డే నియమితులయ్యారు. కెఫే కాఫీ డే ఎంటర్‌ప్రైజెస్ లిమిటెడ్ వ్యవస్థాపకుడు వీజీ సిద్ధార్థ హఠాన్మరణం చెందిన సంగతి తెలిసిందే. ఆర్ధిక ఇబ్బందులతో ఆయన ఆత్మహత్య చేసుకున్నారని వార్తలు రాగా తాత్కాలిక సీఈవోగా ఎస్‌వి రంగనాథ్‌ బాధ్యతలు చూసుకున్నారు.ఈ నేపథ్యంలో సిద్ధార్థ భార్య మాళవిక హెగ్డేని సీఈఓగా నియమిస్తూ ఉత్తర్వులు జారీ చేశారు.

కంపెనీ అదనపు డైరెక్టర్లుగా సీహెచ్ వసుంధరా దేవి, గిరి దేవనూర్, మోహన్ రాఘవేంద్ర కొండిలను నియమిస్తూ బోర్డు డైరెక్టర్లు నిర్ణయం తీసుకున్నారు. ఈ ముగ్గురూ 2025 డిసెంబర్ 31 వరకు నాన్ ఎగ్జిక్యూటివ్ ఇండిపెండెంట్‌ డైరెక్టర్ల హోదాలో కొనసాగుతారు.

మాళవిక కర్నాటక మాజీ సీఎం ఎస్ఎం కృష్ణ కుమార్తె. 2019 జూలైలో వీజీ సిద్ధార్థ మృతి చెందగా అప్పులు తగ్గించేందుకు తనవంతు ప్రయత్నం చేస్తానని మాళవిక ఈ సందర్భంగా తెలిపారు.