స్టైలిస్ స్టార్ అల్లు అర్జున్ హీరోగా తాజాగా చేస్తున్న సినిమా నా పేరు సూర్య నా ఇల్లు ఇండియా వక్కంతం వంశీ డైరెక్షన్లో చేస్తున్న విషయం తెలిసిందే. ప్రస్తుతం ఈ మూవీ శరవేగంగా షూటింగ్ జరుపుకుంటుంది. మే 4న చిత్రం విడుదలకు సిద్దం అవుతుంది. ఇప్పటికే బన్నీ ఆర్మీ ఆఫీసర్గా నయా లుక్స్తో అలరించారు. బన్నీ లుక్స్తో సినిమాపై భారీ ఎక్స్పెక్టేషన్స్ పెరిగాయి.
ఈనెల 8న బన్నీ బర్తడే సందర్భంగా అభిమానులకు బర్త్డే కానుక ఇవ్వనున్నారు. డైలాగ్ ఇంపాక్ట్ పేరుతో ఓ విడియో విడుదల చేయనున్నారట. ఇప్పటికే టీజర్తో బన్నీ అభిమానుల్లో హైప్ క్రియేట్ చేశారు. బర్త్ డే గిఫ్ట్ మరింత అలరించనుందని బన్నీ అభిమానులు భావిస్తున్నారు. ఈ చిత్రంలో అను ఎమ్మాన్యుయేల్ కథానాయికగా, శరత్ కుమార్, యాక్షన్ కింగ్ అర్జున్ ప్రధాన పాత్రలు పోషిస్తున్నారు. కే.నాగబాబు, పి.వాసు సహ నిర్మాతలుగా రామలక్ష్మి సినీ క్రియేషన్స్‌ పతాకంపై లగడపాటి శ్రీషా శ్రీధర్‌ నిర్మిస్తున్నారు.
విశాల్‌–శేఖర్‌ ద్వయం సంగీతాన్ని అందిస్తున్న ఈ చిత్ర తమిళ వర్షన్‌కు గీతరచయిత పా.విజయ్‌ సంభాషణలను అందిస్తున్నారు .ఎన్‌ పేరు సూర్య ఎన్‌ వీడు ఇండియా అనే పేరుతో ఈ మూవీ కోలీవుడ్‌లో విడుదల కానుంది. ఈ చిత్రాన్ని తెలుగులోనే కాక పలు భాషల్లోనూ విడుదల చేయనున్నారు.
