వర్మ నెక్ట్స్‌ మూవీ టైటిల్‌ ఇదేన..?

వివాదాలకు కేరాఫ్‌ అడ్రస్‌గా చెప్పుకునే దర్శకుడు రామ్ గోపాల్ వర్మ. ఆయన ఏం చేసినా.. సంచలనమే. ఏమి చేయకుండా కామ్‌గా ఉన్నా కూడా ఏదో సంచలనానికి తెరలేపుతున్నట్టే అర్ధం. ఈ యేడాది ‘లక్ష్మీస్ ఎన్టీఆర్’, ‘అమ్మ రాజ్యంలో కడప బిడ్డలు’ సినిమాలతో వర్మ క్రియేట్ చేసిన సంచలనం అంతా ఇంతా కాదు. మొన్నటి మొన్న ‘బ్యూటిఫుల్’ ప్రీ రిలీజ్ వేడుకల్లో డాన్సులు గట్రా చేసి తనలోని మరో కోణాన్ని బయటపెట్టాడు. ఈ సినిమా జనవరి 1 వ తేదీన రిలీజ్ కాబోతున్నది.

అయితే వర్మ ఈ సినిమాతో పాటుగా ఎంటర్ ది గర్ల్ డ్రాగన్ సినిమాను కూడా తీస్తున్నారు. ఈ సినిమా ట్రైలర్ ఇప్పటికే సంచలనం సృష్టించింది. అయితే రాజధాని అమరావతిలో ఉండగా అమ్మ రాజ్యంలో కడప బిడ్డలు సినిమా చేశారు. ఇది ఆకట్టుకుంది. కానీ, ఇప్పుడు అమరావతి నుంచి విశాఖకు రాజధానిని మారుస్తున్నారు అనే టాక్ రావడంతో వర్మ ఈ అంశంపై సినిమా తీయబోతున్నాట్లు సమాచారం. అమ్మ రాజ్యంలో కడప బిడ్డలు సినిమా మాదిరిగానే విశాఖ తీరంలో వేట కత్తులు అనే టైటిల్‌తో ఓ మూవీ తీయబోతున్నట్లు ఫిలింనగర్‌లో టాక్‌ వినిపిస్తోంది.