గజిని సినిమాతో తెలుగులో గుర్తింపు తెచ్చుకున్న తమిళ హీరో సూర్యను తెలుగులో స్టార్‌ను చేసిన సినిమాలు.. సింగం'(యముడు), సింగం 2(సింగం). తెలుగు, తమిళ భాషల్లో సూపర్‌ హిట్‌గా నిలిచిన ఈ సిరీస్‌లో మూడో సినిమాగా సింగం 3 తెరకెక్కనున్న విషయం తెలిసిందే.
సింగం సిరీస్‌లో భాగంగా హరి దర్శకత్వంలో తమిళ, తెలుగు భాషల్లో తెరకెక్కుతున్న సీక్వెల్ సింగం-3పై ప్రేక్షకుల్లో భారీ అంచనాలున్నాయి. ఈ చిత్రం తెలుగు హక్కులను ప్రముఖ నిర్మాత సురక్ష్ ఎంటర్‌టైన్‌మెంట్ మీడియా అధినేత మల్కాపురం శివకుమార్ ప్యాన్సీ రేటుతో దక్కించుకున్నాడు. సూర్య సింగం-3గా డిసెంబర్‌ 16న ప్రేక్షకుల ముందుకు రానున్నాడు. సూర్య సరసన అనుష్క,శృతీ హసన్ నటించగా…రాధిక,శరత్ కుమార్ కీలక పాత్ర పోషించారు.
తెలుగు, తమిళ భాషల్లో ఒకేసారి సినిమా విడుదల కానుంది. అనుష్క శెట్టి, శృతీహాసన్, రాధిక శరత్‌కుమార్, నాజర్, రాడాన్ రవి, సుమిత్ర తదితరులు నటిస్తున్న ఈ చిత్రానికి సంగీతం:హేరీస్‌జైరాజ్.
