ప్రతాప్ తాతంశెట్టి దర్శకత్వంలో విరాజ్‌ జె. అశ్విన్ హీరోగా పరిచయం అవుతూ “అనగనగా ఓ ప్రేమకథ” అనే చిత్రం రూపొందుతున్న సంగతి తెలిసిందే. ప్రముఖ ఫైనాన్షియర్‌ కె.ఎల్‌.ఎస్. రాజు ఈ సినిమాను నిర్మిస్తున్నారు. మలేషియాలో రూపొందించిన ఓ పాటను ఇప్పటికే లెజెండరీ దర్శకుడు మణిరత్నం రిలీజ్ చేశారు. ఇక తాజాగా హీరో గోపిచంద్ ఈ మూవీకి సంబంధించిన థియేట్రికల్ ట్రైలర్‌ను సోషల్ మీడియా ద్వారా విడుదల చేశారు.
“అనగనగా ఓ ప్రేమకథ” మూవీ థియేట్రికల్ ట్రైలర్ చాలా బాగుందని.. చిత్రం మంచి విజయం సాధించాలని కోరుకుంటున్నట్టు ఈ సందర్బంగా గోపీచంద్ అన్నారు. చిత్ర నిర్మాత రాజు ఇండస్ట్రీలో అందరికి కావలసిన వ్యక్తి అని.. ఆయన చేసిన ఈ ప్రయత్నం పెద్ద హిట్ కావాలని ఆశిస్తున్నట్లు చెప్పాడు. ఈ సినిమాలో అశ్విన్ మంచి ప్రతిభ కనబరిచాడని.. ఇదే అతని మొదటి సినిమా అనిపించడం లేదని.. అంత బాగా నటించారని ఆయన కొనియాడారు.
ఇక థియేట్రికల్ ట్రైలర్ విడుదల చేసిన గోపిచంద్‌కు మూవీ యూనిట్‌ సభ్యులు కృతజ్ఞతలు తెలిపారు. ఈ సినిమాకు పలువురు ప్రముఖులు అండగా నిలిచారని.. వారందరి ఆశీస్సులతో చిత్రం భారీ విజయం సాధింస్తుందని ధీమా వ్యక్తం చేశారు. ప్రస్తుతం ఈ థియేట్రికల్ ట్రైలర్ నెట్‌లో సందడి చేస్తోంది. మీరు కూడా ఓ లుక్కేయండి..
https://www.youtube.com/watch?v=qdms1srj0eA
