వై. వి. ఎస్. చౌదరి ఈ పేరు గురించి ప్రత్యేకంగా పరిచయం అవసరం లేదు . తెలుగు ఇండస్ట్రీలో లవ్ అనే పదానికి సరి కొత్త అర్థం చెప్పిన దర్శకుడు. వై. వి. ఎస్. చౌదరి. కమర్షియల్ లవ్ సినిమాలను తన మేకింగ్‌తో సరి కొత్త పంథాను పరిచయం చేశాడు వై. వి. ఎస్. చౌదరి. అయితే, చాన్నేళ్లుగా ఈ దర్శకుడికి సరైన విజయం లభించలేదు. అలాగే, సరైన సినిమా కూడా పడలేదు. దాంతో వై. వి. ఎస్. చౌదరి చాలా ఏళ్లుగా ఖాళీగానే ఉంటున్నాడు. ఐతే, చాలా రోజుల తర్వాత వై. వి. ఎస్. చౌదరి కొత్త సినిమా పై చర్చ మొదలైంది.
‘శ్రీ సీతారాముల కళ్యాణం చూతము రారండి’ సినిమాతో తన సినీ ప్రయాణం మొదలు పెట్టిన వై. వి. ఎస్. చౌదరి ఓ దశలో టాలీవుడ్ స్టార్ దర్శకుల లిస్ట్ లో చేరాడు. కొన్ని బిగ్గెస్ట్ హిట్స్ ను కూడా అందించాడు. మొత్తానికి ఆయన కెరీర్‌లో కొన్ని కమర్షియల్ హిట్స్ ఉన్నాయి. ఒకప్పుడు రాజమౌళి కంటే ఎక్కువ ఫాలోయింగ్ సంపాదించుకున్నారు వై. వి. ఎస్. చౌదరి. అయితే ఒక్క మగాడు సినిమా తర్వాత ఈయన గ్రాఫ్ పడిపోయింది. భారీ అంచనాల మధ్య వచ్చిన రేయ్ సినిమా బిగ్గెస్ట్ డిజాస్టర్ అయింది. ఆ తర్వాత, డిజాస్టర్ డైరెక్టర్ గా వై. వి. ఎస్. చౌదరి పేరు నిలిచిపోయింది.
2015 తర్వాత తెలుగులో వై. వి. ఎస్. చౌదరి మళ్లీ సినిమా చేయలేదు.. ఈ మధ్యే ఓ సినిమా చేయడానికి కసరత్తులు చేస్తున్నాడు. దీనితో బయట కూడా కనిపించడం మానేసారు. ఇలాంటి టైమ్‌లో మాస్ రాజా రవితేజతో వై. వి. ఎస్. చౌదరి సినిమా చేస్తున్నట్లు ప్రచారం జరుగుతుంది. రవితేజ తో గతం లో నిప్పు సినిమాకి నిర్మాతగా వ్యవహరించాడు వై. వి. ఎస్. చౌదరి. కానీ, ఆ సినిమా ప్లాప్ అయ్యింది. ఆ మధ్య సాయి ధరమ్ తేజ్ తో ఓ సినిమా డిస్కషన్ నడిచిందని కానీ, కథ వర్కవుట్ అవ్వక ఆ ప్రాజెక్ట్ వదిలేసారని సమాచారం. కానీ, రవితేజ కోసం వై. వి. ఎస్. చౌదరి మరోసారి ప్రయత్నాలు చేస్తున్నారు. మరి వర్కౌట్ అవుతుందో లేదో చూడాలి.
Also Read:ధరణిలో మార్పులా? రద్దా ?
