నారా లోకేష్‌..ఆరిపోయే దీపం

టీడీపీ నేత నారా లోకేష్‌పై తనదైన శైలీలో మండిపడ్డారు వైసీపీ ఎమ్మెల్యే, సినీ నటి రోజా. ఆరిపోయే దీపానికి వెలుగు ఎక్కువ అన్నట్లుగా ఉందని… కుప్పం మున్సిపాలిటీ ఎన్నికల్లో లోకేష్ ఒక వీధి రౌడీ మాదిరే మాట్లాడుతున్నారని చురకలు అంటించారు.

కుప్పం లో ప్రజలకు ఎమ్మెల్యే గా గెలిచిన చంద్రబాబు తాగునీరు కూడా అందించలేని దుస్థితి ఉందని… చంద్రబాబు కు ఎందుకు ఓట్లు వేశమా అని ఆలోచన చేస్తున్నారని ఎద్దేవా చేశారు. కుప్పం అభివృద్ది పట్టని చంద్రబాబు ,లోకేష్ ఏ మొహం పెట్టుకుని ఓట్లు అడుగుతారని ప్రశ్నించారు.

వైసీపీ అధికారంలోకి వచ్చిన తర్వాతే కుప్పం ప్రజలు అందరికి సంక్షేమ పథకాలు అందుతున్నాయని తెలిపారు. కుప్పం మున్సిపాలిటీ ఎన్నికల్లో వైఎస్సార్ సీపీ ఘనవిజయం సాధిస్తుందని ధీమా వ్యక్తంచేశారు.