వారు గెలిస్తే మాఫియా రాజ్యమే!

రాష్ట్రీయ జనతా దళ్ (ఆర్జేడీ) మరియు కాంగ్రెస్ పార్టీలు బీహార్‌లో అధికారంలోకి వస్తే, మాఫియా రాజ్యం తిరిగి వస్తుందని తీవ్ర విమర్శలు చేశారు యూపీ సీఎం యోగి ఆదిత్య నాథ్. శుక్రవారం బీహార్‌లోని సివాన్లో బీజేపీ అభ్యర్థి మంగళ్ పాండేకు మద్దతుగా నిర్వహించిన ప్రచార సభలో యోగి మాట్లాడారు.

బీహార్ ప్రజలకు సంక్షోభం తెచ్చిన వారు, సివాన్ ప్రజలను భయంతో జీవించాల్సిన పరిస్థితిలోకి నెట్టిన వారు — వారికి మళ్లీ అధికారంలోకి వచ్చే అవకాశం ఇవ్వం.. ఇది గుర్తింపుకోసం, బీహార్ స్వర్ణయుగాన్ని తిరిగి తెచ్చే యుద్ధం అన్నారు యోగి. బీహార్ అభివృద్ధి చెందితేనే భారత్ అభివృద్ధి చెందుతుంది అన్నారు. ఆర్జేడీ, కాంగ్రెస్‌లను ఉత్తర ప్రదేశ్‌లోని సమాజ్‌వాదీ పార్టీతో (SP) పోల్చుతూ, INDIA బ్లాక్ మిత్రపక్షాలు బీహార్ మాఫియాతో చేతులు కలిపాయని ఆరోపించారు.

ఉత్తర ప్రదేశ్‌లో మాఫియాలు సమాజ్‌వాదీ పార్టీకీ మిత్రులు అయితే, బీహార్‌లో వారు ఆర్జేడీ, కాంగ్రెస్‌ల మిత్రులు అని పేర్కొన్నారు. ఆర్జేడీ 15 ఏళ్ల పాలనలో బీహార్‌లో పూర్తిగా అరాచకం నెలకొంది. చారాగాహ (fodder) అవినీతి కేసుతో ఆ పార్టీ బీహార్ ప్రతిష్ఠను దెబ్బతీసింది అన్నారు. కాంగ్రెస్ బ్రిటిష్ వారసుల్లా ప్రవర్తించి, బీహార్ అభివృద్ధికి అడ్డుపడింది. ఆ పరిస్థితిని ఆర్జేడీ మరింత దారుణంగా మార్చింది అని వ్యాఖ్యానించారు.

Also Read:Kohli:జెమీమా పోరాటం అద్భుతం

2014లో ప్రధాని నరేంద్ర మోదీ నాయకత్వం స్వీకరించిన తర్వాత భారత్ వేగంగా అభివృద్ధి దిశగా సాగుతోంది. మోదీ, నితీశ్ కుమార్ నాయకత్వంలో బీహార్‌లో అభివృద్ధి జరుగుతోంది అన్నారు.