ఉమ్మడి ఆంధ్రప్రదేశ్‌ సీఎంగా రాజకీయాల్లో తనదైన ముద్రవేశారు వైఎస్ రాజశేఖర్ రెడ్డి. మాట ఇస్తే మడమ తప్పని వ్యక్తిగా గుర్తింపు తెచ్చుకున్న రాజన్న…పొలిటికల్ కెరీర్‌లో పాదయాత్ర ఓ మైలురాయి. కాంగ్రెస్‌ను అధికారంలోకి తేవడమే కాదు వైఎస్‌ఆర్‌ను తెలుగు ప్రజల గుండెల్లో చిరస్మరణీయుడిగా గుర్తింపు తెచ్చుకునేలా చేసింది. పాదయాత్రలో ఇచ్చిన ప్రతి హామీని నేరవేర్చిన వైఎస్..ప్రజల మనిషయ్యారు.
సరిగ్గా 2019 ఎన్నికల ముందు వైఎస్ పాదయాత్ర నేపథ్యంలో తెరకెక్కిన యాత్ర…జగన్ పార్టీని అధికారంలోకి తీసుకురావడానికి మరింత దోహద పడింది. బాక్సాఫీస్ ముందు వచ్చిన ఈ చిత్రాన్ని ప్రేక్షకులు ఆదరించడంతో ఈ మూవీకి సీక్వెల్‌గా యాత్ర 2ని తెరకెక్కించేందుకు సిద్ధమవుతున్నారు దర్శకుడు మహి వి రాఘవన్ .
అయితే ఈ సీక్వెల్‌ మూవీలో జగన్ పొలిటికల్ పార్టీ పెట్టడానికి కారణం, పాదయాత్ర తదితర అంశాలు ఉండనున్నాయట. యాత్రలో మమ్ముట్టి హీరోగా నటించగా ఈ సీక్వెల్‌ మూవీలో సూర్య నటిస్తున్నారనే వార్తలు వెలువడుతున్నాయి. మొత్తంగా మరోసారి యాత్ర 2తో వస్తున్న దర్శకుడు ఏ మేరకు ఆకట్టుకుంటాడో వేచి చూడాలి.
