ఇంతకీ త్రివిక్రమ్ చేస్తోంది ఏమిటి ?

ఐకాన్ స్టార్ అల్లు అర్జున్, డైరెక్టర్ త్రివిక్రమ్ శ్రీనివాస్ ఉన్న ఫొటోను షేర్ చేస్తూ ప్రముఖ ఓటీటీ ప్లాట్‌ ఫామ్ ‘ఆహా’ టీమ్ చేసిన ట్వీట్ ప్రస్తుతం తెగ వైరల్ అవుతోంది. ‘మళ్లీ ఇద్దరూ కలిశారు. ఇక రికార్డుల వేట మొదలు. త్రివిక్రమ్ దర్శకత్వంలో అల్లు అర్జున్ నటించబోతున్నాడు. అతిపెద్ద మూవీ పండగ చేసుకుందామా? ఎంటర్‌టైన్మెంట్ సునామీ కోసం రెడీగా ఉండండి’ అంటూ ఆహా టీమ్ ఓ మెసేజ్ పోస్ట్ చేసింది. అన్నట్టు ఈ షూట్‌లో నటి శ్రీలీల కూడా పాల్గొన్నట్లు తెలుస్తోంది. ఇంతకీ, త్రివిక్రమ్ డైరెక్షన్‌లో అల్లు అర్జున్ చేస్తోంది సినిమానా ?, లేక ఏదైనా ఎపిసోడ్ ప్లాన్ చేస్తున్నారా ? అనేది తెలియాల్సి ఉంది.

అసలు “అల వైకుంఠపురములో” సినిమా విడుదల అవ్వగానే.. త్రివిక్రమ్ “జూ ఎన్టీఆర్” పాన్ ఇండియా సినిమా అంటూ ప్రకటించాడు. పైగా ఎన్టీఆర్ సినిమా కాగానే.. మహేష్ – బన్నీ లతో త్రివిక్రమ్ మల్టీస్టారర్ అని వార్తలు రాశాయి. ఆ రకంగా త్రివిక్రమ్ తో ఇద్దరు హీరోల సినిమా కూడా ఫిక్స్ చేశాయి గాసిప్స్. కానీ చివరకు త్రివిక్రమ్ – ఎన్టీఆర్ సినిమా కూడా అటకెక్కింది. ప్రస్తుతం సూపర్ స్టార్ మహేష్ బాబుతో తన తదుపరి చిత్రం అని త్రివిక్రమ్ చేస్తున్నాడు.

Also Read: 30న.. సైన్స్ ఫిక్షన్ యాక్షన్ థ్రిల్లర్ ‘7:11 PM’

కానీ.. సినిమా మాత్రం ఆశించిన స్థాయిలో ముందుకు వెళ్లడం లేదు. వెళ్లినా మళ్లీ ఏదో రకంగా గుంటూరు కారం సినిమాకు బ్రేక్ పడుతూ వస్తోంది. అసలు ఈ సినిమా ఎప్పుడు ఫినిష్ అవుతుందో కూడా త్రివిక్రమే చెప్పలేని పరిస్థితి ఉంది. ఈ మధ్యలో మళ్లీ త్రివిక్రమ్, అల్లు అర్జున్ తో ఎదో ప్లాన్ చేయడం, పైగా ఏకంగా షూట్ లో పాల్గొనడం ఇప్పుడు హాట్ టాపిక్ అయింది. ఇంతకీ త్రివిక్రమ్ బన్నీతో చేస్తోంది సినిమానా ? లేక ఏదైనా సిరీసా ? చూడాలి.

Also Read: ఆ జిల్లాలోని ప్రతి రామాలయానికి 100+1టిక్కెట్లు ఉచితం..!