విరూపాక్ష..టీం మిథిక‌ల్ థ్రిల్ల‌ర్

బ్లాక్‌బ‌స్ట‌ర్ మూవీ టీమ్‌ క‌ల‌యిక‌లో రాబోతున్న సినిమాపై ప్రేక్ష‌కుల్లో, సినీ ప‌రిశ్ర‌మ‌లో, ట్రేడ్ వ‌ర్గాల్లో మంచి అంచ‌నాలు వుంటాయి. ఇప్పుడు అలాంటి అంచ‌నాల‌తో ఓ కాంబినేష‌న్ రిపీట్ కాబోతుంది. సుప్రీమ్ హీరో సాయిధ‌ర‌మ్ తేజ్‌, సంయుక్త‌మీన‌న్ జంట‌గా కార్తీక్ దండు ద‌ర్శ‌క‌త్వంలో శ్రీ‌వెంక‌టేశ్వ‌ర సినీ చిత్ర ఎల్ఎల్‌పీ సంస్థ‌, సుకుమార్ రైటింగ్స్ సంస్థ‌ల సంయుక్త నిర్మాణంలో బి.బాపినీడు స‌మ‌ర్ప‌ణ‌లో అగ్ర‌నిర్మాత బీవీఎస్ ఎన్ ప్ర‌సాద్ నిర్మించిన మిస్టీక్ థ్రిల్ల‌ర్ విరూపాక్ష చిత్రం ఎంత‌టి సంచ‌ల‌న విజయం సాధించిదో ప్ర‌త్యేకంగా చెప్ప‌న‌క్క‌ర్లేదు.

కంటెంట్‌తో పాటు హైటెక్నిక్ వాల్యూస్ ప‌రంగా కూడా అత్య‌ధిక ప్ర‌శంస‌లు అందుకుంది ఈ చిత్రం. హార‌ర్ ధ్రిల్ల‌ర్‌గా ప్రేక్ష‌కుల‌కు కొత్త అనుభూతి నిచ్చింది ఈ చిత్రం. “విరూపాక్ష‌”ను మిస్టీక్ థ్రిల్ల‌ర్‌గా రూపొందిన ద‌ర్శ‌కుడు కార్తీక్ దండు తాజాగా త‌న త‌దుప‌రి చిత్రాన్ని మిథిక‌ల్ థ్రిల్ల‌ర్ జాన‌ర్‌లో రూపొందించ‌బోతున్నాడు. ఈ చిత్రాన్నికూడా “విరూపాక్ష”చిత్రాన్ని నిర్మించిన బ్లాక్‌బ‌స్ట‌ర్ నిర్మాత బీవీఎస్ ఎన్ ప్ర‌సాద్ నిర్మిస్తున్నారు. బాపినీడు.బి.స‌మ‌ర్ప‌ణ‌లో శ్రీ‌వెంక‌టేశ్వ‌ర సినీ చిత్ర ఎల్ఎల్‌పీ సంస్థ‌,సుకుమార్ రైటింగ్స్ సంస్థ‌తో క‌లిసి ఈ చిత్రాన్ని నిర్మిస్తుంది. ఈ సినిమాకి సంబంధించిన అనౌన్స్‌మెంట్ ప్రీలుక్‌ పోస్ట‌ర్‌ను సోమ‌వారం విడుద‌ల చేశారు మేక‌ర్స్‌. ఈ పోస్ట‌ర్‌ను అంద‌రిలోనూ ఆస‌క్తిని క‌లిగిస్తుంది. సోమ‌వారం నుంచి ఈ చిత్రానికి సంబంధించిన ప్రీప్రొడ‌క్ష‌న్ ప‌నుల‌ను ప్రారంభించిన‌ట్లు తెలియ‌జేశారు మేక‌ర్స్.ఇంకా ఈ చిత్రానికి సంబంధించిన మ‌రిన్ని వివ‌రాల‌ను త్వ‌ర‌లోనే అధికారికంగా తెలియ‌జేస్తారు.

Also Read:మోడీకి పోటీగా ప్రియాంక గాంధీ?