హ‌ను-మాన్‌..అమృత అయ్యర్ ఫస్ట్ లుక్‌

29
movie

స‌రికొత్త‌ కాన్సెప్ట్‌ల‌తో కమర్షియల్ ఎంటర్‌టైనర్‌లను రూపొందించడంలో క్రియేటివ్ డైరెక్ట‌ర్ ప్రశాంత్ వర్మది ప్రత్యేక శైలి. ప్ర‌స్తుతం మరో సారి ఓ వినూత్న ప్రయత్నానికి శ్రీకారం చూట్టారు ప్ర‌శాంత్ వ‌ర్మ‌. హ‌ను-మాన్ చిత్రం ద్వారా తెలుగు ప్రేక్షకులకు ఓ సరికొత్త సినిమాటిక్ జోనర్‌ను పరిచయం చేసేందుకు రెడీ అయ్యారు. మొదటి పాన్-ఇండియన్ సూపర్ హీరో మూవీగా యంగ్‌ హీరో తేజ సజ్జతో క‌లిసి ప్రశాంత్ వర్మ తెర‌కెక్కిస్తోన్న హను-మాన్ సినీ ప్రేక్షకులకు విజువల్ ట్రీట్ కానుంది.

ఈ చిత్రం ఫస్ట్ లుక్‌కు మంచి స్పందన వచ్చింది. ఇక ఇప్పుడు హనుమంత హార్ట్ బీట్‌ను మేకర్స్ ప్రకటించారు. మక్కల్ సెల్వన్ విజయ్ సేతుపతి ఈ చిత్రంలోని హీరోయిన్ అమృత అయ్యర్ పాత్రకు సంబంధించిన ఫస్ట్ లుక్‌ను విడుదల చేశారు. అంజనాద్రి ప్రపంచంలోని మీనాక్షి పాత్రకు సంబంధించిన ఫస్ట్ లుక్‌ను నేడు విడుదల చేశారు.

సూపర్ హీరో స్టైల్లో తేజ సజ్జాకు సంబంధించిన పరిచయం జరగ్గా.. ఇప్పుడు అమృతా అయ్యర్ ప్రపంచాన్ని ప్రేక్షకులకు చూపించారు. చుట్టూ అందమైన ప్రకృతి, పక్షులతో అలా పడవలో మీనాక్షి ప్రయాణం చేస్తోంది. ఓ దేవకన్యలా కనిపిస్తున్న అమృతా అయ్యర్.. ఈ పాత్రకు సరిగ్గా సరిపోయారు.

తేజ సజ్జ సూపర్ హీరో పాత్ర పోషించడానికి స్ట‌న్నింగ్‌ మేక్ఓవర్ అయ్యారు. తేజ గెటప్ చాలా భిన్నంగా ఉంది.జాంబీ రెడ్డి కాంబో మ‌రోసారి మ్యాజిక్ చేసేందుకు సిద్ద‌మైంది. మన పురాణాలు ఇతీహాసల్లో అద్భుతమైన శక్తులు ఉన్న సూపర్‌హీరోస్‌ గురించి మనకు తెలుసు. వారి అపూర్వమైన శక్తులు, బలాలు, పోరాటపటిమ అద్భుతమైనవి. సూపర్ హీరోస్‌ చిత్రాల్లోని హీరో ఎలివేషన్స్, యాక్షన్‌ సీక్వెన్సెస్‌ ఆడియన్స్‌ను థ్రిల్ చేస్తాయి. అలాగే సూప‌ర్ హీరో మూవీస్‌ని అన్ని వ‌ర్గాల వారు ఇష్ట‌ప‌డ‌తారు. హ‌ను-మాన్ సినిమా తెలుగు, తమిళం, కన్నడ, మలయాళం మరియు హిందీ భాషలలో రూపొందుతోంది.

ప్రస్తుతం ఈ మూవీ షూటింగ్ రామోజీ ఫిల్మ్ సిటీలో జరుగుతోంది. ప్రైమ్ షో ఎంటర్టైన్మెంట్ ఈ చిత్రాన్ని గ్రాండ్ స్కేల్ లో అత్యాధునిక విఎఫ్ఎక్స్ తో రూపొందిస్తోంది. ప్ర‌ముఖ న‌టీన‌టులు, టాప్-గ్రేడ్ టెక్నీషియన్లు ఈ సినిమా కోసం వ‌ర్క్ చేస్తున్నారు. శ్రీ‌మ‌తి చైత‌న్య స‌మ‌ర్ప‌ణ‌లో కె. నిరంజ‌న్ రెడ్డి ఈ చిత్రాన్ని నిర్మిస్తున్నారు. అశ్రిన్ రెడ్డి ఎగ్జిక్యూటివ్ ప్రొడ్యూస‌ర్‌, వెంక‌ట్ కుమార్ జెట్టి లైన్ ప్రొడ్యూస‌ర్‌, కుశ‌ల్ రెడ్డి అసోసియేట్ ప్రొడ్యూస‌ర్‌. దాశ‌ర‌థి శివేంద్ర సినిమాటోగ్రాఫ‌ర్‌.

ఈ చిత్రం కోసం నలుగురు యంగ్ మ్యూజిక్ డైరెక్టర్లు పని చేస్తున్నారు. అనుదీప్ దేవ్, హరి గౌర, జయ్ క్రిష్, కృష్ణ సౌరభ్ ఈ చిత్రానికి సంగీతాన్ని అందించనున్నారు.ఇత‌ర న‌టీన‌టులు, సాంకేతిక నిపుణుల వివ‌రాలు త్వ‌ర‌లో వెల్ల‌డించ‌నున్నారు.తారాగ‌ణం: తేజ స‌జ్జ‌, అమృతా అయ్యర్,సాంకేతిక వ‌ర్గం:ర‌చ‌న‌, ద‌ర్శ‌క‌త్వం: ప్ర‌శాంత్ వ‌ర్మ‌,నిర్మాత‌: కె. నిరంజ‌న్ రెడ్డి,బ్యాన‌ర్‌: ప్రైమ్ షో ఎంట‌ర్‌టైన్‌మెంట్స్,స‌మ‌ర్ప‌ణ‌: శ్రీ‌మ‌తి చైత‌న్య,స్క్రీన్ ప్లే: స్క్రిప్ట్స్ విల్లే,డిఒపి: దాశ‌ర‌థి శివేంద్ర,సంగీతం : అనుదీప్ దేవ్, హరి గౌర, జయ్ క్రిష్, కృష్ణ సౌరభ్,ఎగ్జిక్యూటివ్ ప్రొడ్యూస‌ర్‌: అశ్రిన్ రెడ్డి,లైన్ ప్రొడ్యూస‌ర్‌: వెంక‌ట్ కుమార్ జెట్టి,అసోసియేట్ ప్రొడ్యూస‌ర్‌: కుశ‌ల్ రెడ్డి,ప్రొడ‌క్ష‌న్ డిజైన‌ర్‌: శ్రీ‌నాగేంద్ర తంగ‌ల‌,పిఆర్ఒ: వంశీ – శేఖ‌ర్,క్యాస్టూమ్స్ డిజైన‌ర్‌: లంక సంతోషి.