క్రిష్ దర్శకత్వంలో రూపొందుతున్న ఎన్టీఆర్ బయోపిక్ మొదటి నుంచే ఆశక్తికంగా మారింది. టాలీవుడ్‌లో అత్యంత ప్రతిష్టాత్మకంగా తెరకెక్కుతున్న ఈ మూవీలో ఎన్టీఆర్‌గా బాలకృష్ణ నటిస్తున్నాడు. ఇక ఆయన సతీమణీ బసవతారకం పాత్ర విద్యా బాలన్ పోషిస్తోంది. రెండు భాగాలుగా విడుదల కానున్న ఈ సినిమా షూటింగ్ పనులను వేగంగా జరుగుతున్నాయి.
ఈ సినిమాలో విద్యాబాలన్ పోషిస్తున్న బసవతారకం లుక్‌లో ఉన్న ఫోటోను తన ఇన్‌స్టాగ్రామ్‌లో షేర్ చేసింది. అంతేకాదు.. నేను చూస్తున్నాను అనే కామెంట్ కూడా పెట్టింది. ఇప్పటివరకు ఈ సినిమాలో పాత్రలకు సంబంధించి ఎలాంటి లుక్ విడుదల కాలేదు. దీంతో విద్యాబాలన్ పోస్ట్ చేసిన ఈ ఫోటో ఇప్పుడు సోషల్ మీడియాలో వైరల్ అవుతోంది.
ఎన్టీఆర్ బయోపిక్‌ను అత్యంత ప్రతిష్టాత్మకంగా తీసుకున్న క్రిష్.. ఎన్టీఆర్ ఇమేజ్ తగ్గట్టుగా అన్ని జాగ్రత్తలు తీసుకుంటున్నాడు. ఎన్‌బీకే ఫిల్మ్స్, వారాహి చలన చిత్ర పతాకంపై బాలకృష్ణ, సాయి కొర్రపాటి ఈ చిత్రాన్ని నిర్మిస్తుండగా.. కీరవాణి సంగీతం సమకూరుస్తున్నారు. ఇక చంద్రబాబు నాయుడుగా రానా, అక్కినేని నాగేశ్వరరావుగా సుమంత్, హరికృష్ణ పాత్రలో కళ్యాణ్ రామ్ కనిపించగా శ్రీదేవి పాత్రలో రకుల్ ప్రీత్ సింగ్ నటిస్తోంది.
