గత కొన్ని రోజులుగా పవన్ కల్యాణ్ త్రివిక్రమ్ శ్రీనివాస్‌తో సినిమా చేయనున్నాడనే వార్తలు బలంగా వినిపిస్తున్నాయి. ఈ సినిమా కోసం పవన్ తెగ ఆసక్తికనబరుస్తున్నాడట. తెరపై ఎప్పుడూ ఫిట్‌గా, అందంగా కనిపించే పవన్ ‘కాటమరాయుడు’ సినిమాలో కాస్త డీ-గ్లామర్‌గా కనబడ్డాడు. దానికి కారణం ఆసమయంలో పవన్ బరువు పెరగడమే.
కానీ త్రివిక్రమ్‌తో తీయబోయే సినిమాలో అందంగా కనిపించేందుకు పవన్ చాలా జాగత్త్రలు తీసుకున్నాడట. బరువు తగ్గేందుకు అన్నం పూర్తిగా మానేశాడట. క్యాలరీ ఫుడ్‌కు కూడా దూరమయ్యాడట. దీంతో ఇటీవలి కాలంలో పవన్ చాలా సన్నబడ్డాడు. త్రివిక్రమ్ సినిమా లొకేషన్‌లో ఉన్న పవన్ ఫోటోలు చూస్తే ఈ విషయం అర్థమైపోతోంది .
మరోవైపు ఈ సినిమా గురించి ఆసక్తికరమైన అంశం చక్కర్లు కొడుతోంది. త్రివిక్రమ్ – పవన్ కాంబో మూవీలో మరో స్టార్ హీరో కూడా ఉండబోతున్నాడనేది తాజా సమాచారం. పవన్‌తో ‘గోపాల గోపాల’ సినిమాలో నటించిన వెంకటేష్ ఈ సినిమాలో నటించనున్నాడట. వెంకీ కామెడీ టైమింగ్‌ను విపరీతంగా ఇష్టపడే త్రివిక్రమ్ వీరిద్దరికి సరిపడే కథను సిద్ధం చేసే పనిలో పడ్డాడట.
వెంకీ కూడా వీరిద్దరి కాంబోలో నటించడానికి గ్రీన్ సిగ్నల్ ఇచ్చాడట. లుస్తోంది. మరి మాటల మాంత్రికుడి డైరెక్షన్‌లో తెరపై పవన్, వెంకీలు ఏ రేంజ్‌లో సందడి చేయబోతున్నారో వేచి చూడాలి.
