‘వకీల్ సాబ్’ డబ్బింగ్ పూర్తి..

పవర్‌ స్టార్‌ పవన్ కల్యాణ్ ప్రధానపాత్రలో వేణు శ్రీరామ్ దర్శకత్వంలో వస్తున్న చిత్రం ‘వకీల్ సాబ్’. బాలీవుడ్ హిట్ చిత్రం ‘పింక్’ కు రీమేక్ గా రూపుదిద్దుకుంటున్న ‘వకీల్ సాబ్’ చిత్రం ఏప్రిల్ 9న విడుదల కానుంది. తాజాగా ఈ చిత్రం డబ్బింగ్ పనులు పూర్తి చేసుకుంది. ఈ మేరకు చిత్ర నిర్మాణ సంస్థ శ్రీవెంకటేశ్వర క్రియేషన్స్ ఓ ప్రకటనలో వెల్లడించింది.

‘పింక్’ లో లెజెండరీ అమితాబ్ బచ్చన్ పోషించిన న్యాయవాది పాత్రను తెలుగులో పవన్ కల్యాణ్ పోషించారు. ఈ చిత్రంలో పవన్ సరసన శ్రుతిహాసన్ కథానాయిక కాగా, నివేదా థామస్, అంజలి, అనన్య నాగళ్ల కీలకపాత్రధారులు. తమన్ స్వరపరిచిన పాటలు ఇప్పటికే విశేష ప్రజాదరణ పొందాయి. ప్రెస్టెజీయస్ ప్రాజెక్ట్‌గా తెరకెక్కిన ఈ మూవీని బోనీ కపూర్ సమర్పణలో దిల్ రాజు-శిరీష్ నిర్మిస్తున్నారు.