ఇల్లు ఎవరికీ వద్దూ.. అందరికీ కావాలి. 100 మీటర్లు ఎగరలేని పక్షి కూడా ఓ గూడు కట్టుకుంటుంది. కట్టుకున్న గూడును కాపాడుకోలేని చీమ కూడా మళ్లీ మళ్లీ గూడు కడుతుంది. ఇక మనుషుల సంగతి వేరే చెప్పాలా ?, ఓ మిడిల్ క్లాస్ సగటు జీవి జీవిత ఆశయం ఓ మంచి ఇల్లు. ఇంటికి అంత గొప్ప ప్రాధాన్యత ఉంది. అందుకే, ఎక్కడి నుంచో వచ్చిన హీరోయిన్లు కూడా తాము సక్సెస్ అందుకున్న చోట ఇల్లు కొనుక్కుంటారు. హిందీలో బోల్డ్ బ్యూటీగా అడుగుపెట్టిన ఊర్వశి రౌటెలా ఆ తర్వాత సిల్వర్ స్క్రీన్ మీద సినిమాలు చేసినా బాలీవుడ్ లో అంతగా సక్సెస్ కాలేకపోయింది.
కానీ, సౌత్ మేకర్స్ దృష్టిలో పడి.. ప్రస్తుతం సౌత్ లోకి ఐటమ్ బ్యూటీగా ఫుల్ డిమాండ్ ను సంపాదించింది. పైగా ప్యాన్ ఇండియా కుర్ర ప్రేక్షకుల మనసులని హత్తుకుంది. తెలుగు, తమిళ, మలయాళ, కన్నడ ఆడియన్స్ ని కూడా ఊర్వశి రౌటెలా గట్టిగానే పడేసింది. సౌత్ లో సక్సెస్ అవుతున్నా ఊర్వశి రౌటెలాని హిందీ భాష మాత్రం లైట్ తీసుకుంటూనే ఉంది. అందుకేనేమో, ఈ ముంబై భామ ఇక్కడే సెటిల్ కావాలి అని హైదరాబాద్ లోని కాస్ట్లీ ఏరియా లో ఓ మంచి ఇల్లు కొనేసిందట.
హైదరాబాద్ లోని కోకాపేట ప్రాంతంలో ఊర్వశి రౌటెలా ఓ ఇల్లు కొనుగోలు చేసినట్లుగా తెలుస్తోంది. దాని విలువ ఎంత అనేది బయటికి రాకపోయినా ఊర్వశి రౌటెలా ఇంటి గురించి బాలీవుడ్ మీడియాలో కథనాలు ప్రచారంలోకి వచ్చాయి. అంతేకాకుండా ఊర్వశి రౌటెలా ఇంకో ప్లాట్ కొనేందుకు కూడా చూస్తుంది అని సోషల్ మీడియాలో వినిపిస్తున్న టాక్. ప్రస్తుతం సౌత్ లో నిలదొక్కుకుని హీరోయిన్ గా కూడా పాగా వేసేందుకు ఊర్వశి రౌటెలా ప్లాన్ చేసుకుంటుంది.
Also Read:Congress: ఏదైనా సరే.. ఛలో డిల్లీ?
