 డిజిటల్ విప్లవంలో మరొక కీలక ముందడుగు వేసింది.){kind=link}
ప్రముఖ డిజిటల్ చెల్లింపుల సంస్థ ‘ఫోన్పే’ (PhonePe) డిజిటల్ విప్లవంలో మరొక కీలక ముందడుగు వేసింది. ఇంటర్నెట్ సదుపాయం లేని దాదాపు 20 కోట్లకు పైగా ఫీచర్ ఫోన్ (సాధారణ కిపాడ్ ఫోన్లు) వినియోగదారులకు కూడా యుపిఐ (UPI) చెల్లింపు సేవలను అందుబాటులోకి తీసుకొస్తున్నట్లు ప్రకటించింది.ఈ నూతన సాంకేతికత ద్వారా స్మార్ట్ఫోన్ లేదా యాక్టివ్ ఇంటర్నెట్ కనెక్షన్ లేని యూజర్లు కూడా అత్యంత సులభంగా, సురక్షితంగా డిజిటల్ ఆర్థిక లావాదేవీలు నిర్వహించుకోవచ్చు.
డేటా సదుపాయం లేకపోయినా యూజర్లు తమ ఫీచర్ ఫోన్ల ద్వారానే సులభంగా డబ్బులు పంపడం లేదా ఇతర వ్యాపారులకు చెల్లింపులు చేయడం సాధ్యమవుతుంది. గ్రామీణ మరియు పాక్షిక పట్టణ ప్రాంతాల్లో ఉన్న దాదాపు 20 కోట్ల మంది ఫీచర్ ఫోన్ వినియోగదారులకు ఈ నిర్ణయం ఎంతో మేలు చేకూర్చనుంది.
వినియోగదారులు నిర్దేశిత నంబర్ల ద్వారా లేదా సాధారణ యూఎస్ఎస్డీ (USSD) సాంకేతికత సహాయంతో తమ బ్యాంక్ ఖాతాను అనుసంధానించి యుపిఐ పిన్ (UPI PIN) ద్వారా లావాదేవీలను పూర్తి చేయవచ్చు.
Also Read:రాహుల్ అసత్యప్రచారం..మోదీ ఫైర్
డిజిటల్ చెల్లింపుల వ్యవస్థను మరింత విస్తృతం చేయడం మరియు దేశంలో నగదు రహిత లావాదేవీలను చివరి స్థాయి పౌరుడికి కూడా అందుబాటులోకి తీసుకురావడమే ఈ కొత్త ఫీచర్ యొక్క ప్రధాన లక్ష్యం. సాధారణ ఫోన్లు వాడే గ్రామీణ ప్రజలు, నగరాల్లోని చిన్న వ్యాపారులు ఇకపై డిజిటల్ లావాదేవీల కోసం స్మార్ట్ఫోన్లపై ఆధారపడాల్సిన అవసరం లేకపోవడం విశేషం.