యూపీ సీఎంవోకు షాకిచ్చారు హ్యాకర్లు. ముఖ్యమంత్రి కార్యాలయం (CMO) ట్విట్టర్ ఖాతాను హ్యాక్ చేశారు. ఈ విషయాన్ని అధికారులు స్వయంగా వెల్లడించారు. హ్యాక్ చేసిన గుర్తు తెలియని వ్యక్తులు…అనేక పోస్టులు చేశారు. ప్రొఫైల్ ఫొటోను కూడా మార్చివేశారు. బిట్ కాయిన్ ను భారత ప్రభుత్వం లీగల్ చేసినట్లు, 500 బిట్ కాయిన్ లను కొనుగోలు చేసి ప్రజలకు పంచుతోందని లింక్ లు పోస్టులు చేశారు.
హ్యాక్ అయిన విషయాన్ని ఆలస్యంగా తెలుసుకున్న అధికారులు తర్వాత ట్విట్టర్ ఖాతాను పునరుద్ధరించారు. హ్యాకర్లు ఓ కార్టునిస్టు చిత్రాన్ని ప్రొఫైల్ పిక్చర్ గా ఉపయోగించారు. సీఎం యోగి ఆదిత్యనాథ్ ను ట్యాగ్ చేస్తూ.. హ్యాక్ చేసిన ఖాతా స్ర్కీన్ షాట్లను నెటిజన్లు షేర్ చేశారు.
హ్యాక్ అయిన సీఎంఓ అకౌంట్ స్క్రీన్ షాట్ లు సోషల్ మీడియాలో హల్ చల్ చేస్తున్నాయి. యూపీ సీఎంవో ట్విట్టర్ ఖాతాకు ప్రస్తుతం నాలుగు మిలియన్ల మంది పాలోవర్లు ఉన్నారు.