కన్నడ సినీ పరిశ్రమ లో సస్పెన్స్ థ్రిల్లర్ చిత్రాలకు ఆద్యుడు డైరెక్టర్ సునీల్‌కుమార్‌ దేశాయ్‌.. అయన దర్శకత్వంలో తెరకెక్కిన తాజా చిత్రం ‘ ఉద్గర్ష ‘.. సస్పెన్స్ థ్రిల్లర్ సినిమాగా తెరకెక్కిన ఈ చిత్రం షూటింగ్ ఇటీవలే పూర్తి చేసుకోగా, కన్నడ,తెలుగు, తమిళ, మలయాళ భాషల్లో ఈ సినిమా విడుదల అవుతుండడం విశేషం. ఈ సినిమా లోని అధికభాగం చిత్రీకరణ మడికెరిలో లో జరగగా కేరళ, బెంగళూరు, హైదరాబాదు నగరాల్లో ప్రధాన సన్నివేశాల్ని చిత్రీకరించారు.. కిషోర్, సాయి ధన్సిక, తాన్య హోప్, కబీర్ దుహాన్ సింగ్, బాహుబలి ఫేమ్ ప్రభాకర్ ,హర్షికా , అనూప్‌సింగ్‌ ఠాకూర్‌ ముఖ్య పాత్రల్లో నటిస్తున్నారు.
డి క్రియేషన్స్‌ పతాకంపై దేవ్ రాజ్ ఆర్. అత్యంత ప్రతిష్టాత్మకంగా ఈ సినిమా ని నిర్మిస్తున్నారు.. బాలీవుడ్ సంగీత దర్శకుడు సంజయ్ చౌదరి సంగీతం సమకూరుస్తుండగా పి.రాజన్ సినిమాటోగ్రఫీ అందిస్తున్నారు.. కాగా ఈ చిత్ర ట్రైలర్ ఆవిష్కరణ వేడుక బెంగుళూరు లో ఘనంగా జరగగా ఈ కార్యక్రమానికి ముఖ్య అతిధిగా విచ్చేసిన ప్రముఖ హీరో దర్శన్ ఈ చిత్ర ట్రైలర్ ని విడుదల చేశారు.. ప్రముఖ హీరో కిచ్చ సుదీప్ ఈ ట్రైలర్ కి వాయిస్ అందించగా , ప్రేక్షకులను విశేషంగా అక్కట్టుకుంటుంది..
