సీఎం కేసీఆర్‌ చిత్రిపటాని క్షీరాభిషేకం..

బడ్జెట్‌లో సీఎం కేసీఆర్‌ ఆర్టీసీకి మూడు వేల కోట్ల రూపాయలు కేటాయించడంతో ఆర్టీసీ ఉద్యోగులు ఆనందంతో సంబరాలు జరుపుకుంటున్నారు. ఈ మేరకు ఆర్టీసీ ఉద్యోగులు కృతజ్ఞతలు తెలుపుతూ సీఎం కేసీఆర్‌ చిత్రపటానికి పాలాభిషేకం చేశారు. జనగామ ఆర్టీసీ డిపోలో మేనేజర్ ఎస్వీజీకే మూర్తి ఆధ్వర్యంలో సిబ్బంది క్షీరాభిషేకం చేశారు.

ఈ సందర్భంగా రీజినల్ మేనేజర్ మాట్లాడుతూ.. సీఎం కేసీఆర్‌ ఇప్పటికే ఆర్టీసీ అభ్యున్నతికి తోడ్పడ్తున్నారని పేర్కొన్నారు. ఆర్టీసీ ఉన్నటువంటి పరిస్థితుల్లో ఉద్యోగులందరూ కలిసికట్టుగా పని చేసి అన్ని డిపోలను లాభాల బాటలోకి తీసుకురావాలని పిలుపునిచ్చారు. నిధులు కేటాయించిన సీఎం కేసీఆర్‌కు కృతజ్ఞతలు తెలిపారు.