అంతర్జాతీయ రాజకీయాల్లో అత్యంత ప్రాధాన్యత కలిగిన పరిణామం చోటుచేసుకుంది. అమెరికా అధ్యక్షుడు డొనాల్డ్ ట్రంప్… చైనా రాజధాని బీజింగ్లోని ప్రతిష్టాత్మక ‘జోంగ్నాన్హై’ లీడర్షిప్ కాంపౌండ్లో చైనా అధ్యక్షుడు షీ జిన్పింగ్తో సమావేశమయ్యారు.
ప్రపంచంలోని రెండు అతిపెద్ద ఆర్థిక వ్యవస్థల మధ్య నెలకొన్న ఉద్రిక్తతలు, వాణిజ్య సంబంధాలు మరియు భౌగోళిక రాజకీయ పరిస్థితులపై ఇరువురు నేతలు సుదీర్ఘంగా చర్చించినట్లు తెలుస్తోంది.
చైనా అగ్రనాయకత్వం నివసించే అత్యంత రక్షణ కలిగిన ‘జోంగ్నాన్హై’ కాంపౌండ్లో ఈ భేటీ జరగడం వ్యూహాత్మకంగా ప్రాధాన్యత సంతరించుకుంది. సాధారణంగా అత్యంత సన్నిహిత మిత్రదేశాల నేతలకు లేదా అత్యంత కీలకమైన చర్చలకే ఈ వేదికను చైనా ఉపయోగిస్తుంది.
Also Read:డైటింగ్ కంటే ఇలా చేస్తేనే మేలు?
రష్యా-ఉక్రెయిన్ సంక్షోభం, తైవాన్ అంశం మరియు అమెరికా-చైనా మధ్య కొనసాగుతున్న టారిఫ్ యుద్ధాల పరిష్కారంపై ఈ సమావేశంలో ప్రాథమిక చర్చలు జరిగినట్లు సమాచారం. ప్రపంచ ఆర్థిక వ్యవస్థపై ఈ ఇద్దరు నేతల నిర్ణయాలు ప్రభావం చూపే అవకాశం ఉండటంతో, అంతర్జాతీయ సమాజం ఈ పర్యటనను నిశితంగా గమనిస్తోంది.