అమెరికా అధ్యక్షుడు డోనాల్డ్ ట్రంప్ … హర్మూజ్ జలసంధి అంశంపై కీలక వ్యాఖ్యలు చేశారు. మధ్యప్రాచ్యంలో పెరుగుతున్న ఉద్రిక్తతల నేపథ్యంలో ప్రపంచ దేశాలకు ఆయన ప్రత్యేక పిలుపునిచ్చారు. ప్రపంచానికి అత్యంత కీలకమైన సముద్ర మార్గాల్లో ఒకటైన హర్మూజ్ జలసంధి భద్రతను కాపాడేందుకు అంతర్జాతీయ సహకారం అవసరమని ట్రంప్ పేర్కొన్నారు. ఈ జలసంధిని స్వాధీనం చేసుకుని అంతర్జాతీయ నౌకాయానాన్ని రక్షించేందుకు యుద్ధ నౌకలను పంపాలని ఆయన ప్రపంచ దేశాలకు సూచించారు.
ఇరాన్ వల్ల ఈ ప్రాంతంలో ఉద్రిక్త పరిస్థితులు ఏర్పడుతున్నాయని ట్రంప్ ఆరోపించారు. అమెరికా సైన్యం ఇటీవల చేపట్టిన చర్యలతో ఇరాన్ మిలిటరీ శక్తులను గణనీయంగా దెబ్బతీశామని, దాదాపు 100 శాతం వరకు నాశనం చేశామని ఆయన తెలిపారు. ఈ చర్యలతో ప్రపంచ ఇంధన సరఫరా మార్గాలకు ముప్పు తగ్గుతుందని కూడా ఆయన అన్నారు.
ప్రపంచ వాణిజ్యానికి కీలకమైన హర్మూజ్ జలసంధి ద్వారా రోజూ భారీగా చమురు మరియు గ్యాస్ సరఫరాలు జరుగుతాయి. ఈ మార్గం సురక్షితంగా ఉండటం ప్రపంచ ఆర్థిక వ్యవస్థకు అత్యంత ముఖ్యమని ట్రంప్ స్పష్టం చేశారు. అంతర్జాతీయ సమాజం కలిసి పని చేస్తేనే ఈ ప్రాంతంలో స్థిరత్వం సాధ్యమవుతుందని ఆయన అభిప్రాయపడ్డారు. ఈ ప్రకటనతో మధ్యప్రాచ్య రాజకీయాల్లో మరోసారి ఉద్రిక్తతలు పెరిగే అవకాశం ఉందని విశ్లేషకులు భావిస్తున్నారు.
Also Read:పెట్రోల్ లేదా డీజిల్ను నిల్వ చేయవద్దు:కేంద్రం