ఆ దూకుడు ఏంటీ బాలయ్య !

బాలకృష్ణ హీరోగా పూరి జగన్నాధ్ దర్శకత్వంలో తెరకెక్కిన ‘పైసా వసూల్’ చిత్రం గ్రాండ్ గా రిలీజైంది. ‘గౌతమీపుత్ర శాతకర్ణి’ లాంటి భారీ విజయం తర్వాత బాలయ్య చేస్తున్న ‘పైసా వసూల్’ సినిమా భారీ అంచనాల నడుమ శుక్రవారం ప్రపంచ వ్యాప్తంగా విడుదలవుతోంది. గురువారం అర్ధరాత్రి నుండే ఓవర్సీస్‌తో పాటు తెలుగు రాష్ట్రాలలో ప్రీమియర్ షోలు పడుతున్నాయి. బాలయ్యకు 101 మూవీ కావడంతో ఇప్పటికే విడుదలైన ట్రైలర్, టీజర్ సినిమాపై అంచనాలు భారీగా పెంచింది.

రామ్ గోపాల్ వర్మ కూడా ఆటిట్యూడ్‌లో అర్జున్‌ రెడ్డికి బాప్‌ తేడాసింగ్‌, థ్యాంక్యూ రా హౌలే అంటూ ట్వీట్ చేశాడు. ప్రీమియర్ షో చూసిన ఫ్యాన్స్‌ బాలయ్య ఇరగదీశాడని సోషల్ మీడియాలో కామెంట్లు పెడుతున్నారు. బాలయ్యకు ఇప్పటి వరకు ఉన్న స్క్రీన్ ఇమేజ్‌తో పోల్చితే ఈ చిత్రంలో చాలా డిఫరెంటుగా కనిపించారనే టాక్ వినిపిస్తోంది. బాలకృష్ణ వన్‌మ్యాన్ షో చేశాడని.. అండర్ కవర్ రీసెర్చ్ అండ్ అనాలిస్ వింగ్ (రా) ఏజెంట్‌గా బాలయ్య కుమ్మేశాడట. అలాగే బాలయ్య మార్క్ డైలాగులు, యాక్షన్‌తో అభిమానులను కట్టిపడేశారు. వాళ్లతో థియేటర్‌లో విజిల్స్ వేయించారు. ఆ ఎనర్జీ ఏంటీ బాలయ్య.. 100 రెడ్‌బుల్స్ తాగి చేశావా ఏంటీ ? అని ఫ్యాన్స్‌ ట్వీట్లు చేస్తున్నారు.

మరోవైపు బాలయ్య పైసావసూల్‌ టీంతో కలిసి స్క్రీనింగ్ షోకి హాజరయ్యాడు. అభిమానుల నుంచి వస్తున్న రెస్పాన్స్‌ చూసి తెగ సంబరపడిపోయాడు బాలయ్య. పూరి గత సినిమాల్లో చూపించినట్లే ఓ అంతర్జాతీయ క్రిమినల్‌ను పట్టుకునే కాన్సెప్ట్‌తోనే ‘పైసా వసూల్’ కూడా తెరకెక్కించారు. ఈ సినిమా చూసిన చాలా మంది పూరీ జగన్నాథ్ ఈ మాఫియా బ్యాగ్రౌండ్ నేపథ్యాల నుండి బయటకు రావాల్సిన అవసరం ఉందనే అభిప్రాయాలు వ్యక్తం చేస్తున్నారు.