ఆర్ఆర్ఆర్ టీమ్‌ కు తెలుగు చలన చిత్ర పరిశ్రమ ఆధ్వర్యంలో అభినందన సభ ఏర్పాటు చేశారు. ఈ కార్యక్రమంలో నిర్మాత అల్లు అరవింద్ ఇంట్రెస్టింగ్ కామెంట్స్ చేశారు. ఇంతకీ అరవింద్ ఏం మాట్లాడారు అంటే.. ‘ఆస్కార్ మనకి అందనంత దూరంలో ఉంటుంది. మనకు సాధ్యం కాదు అనే భయం అందరిలో ఉండేది. ఈ రోజు ఆర్ఆర్ఆర్ టీమ్‌ ఆస్కార్ సాధించింది. రాజమౌళి, కీరవాణి, చంద్రబోస్, నా మేనల్లుడు రాంచరణ్, లవబుల్ హీరో ఎన్టీఆర్ వీళ్లందరినీ ఆస్కార్ వేడుకలో చూసి నా కడుపు నిండిపోయింది అంటూ అల్లు అరవింద్ కామెంట్స్ చేశారు.
ఈ కార్యక్రమంలో మంత్రి తలసాని శ్రీనివాస్ కూడా మాట్లాడుతూ.. బాహుబలికి ఆస్కార్ రావాల్సిందని, ఇప్పుడు నాటు నాటు పాటకు రావడం గర్వకారణమని చెప్పుకొచ్చారు. తెలుగు చలన చిత్ర పరిశ్రమ నుంచి పాన్ ఇండియా సినిమాలు పెరిగాయని ఆయన అన్నారు. అనంతరం మ్యూజిక్ డైరెక్టర్ కీరవాణి, చంద్రబోస్‌లతో పాటు టీమ్‌ను సన్మానించారు. ఇక రాజమౌళి, ప్రేమ్‌రక్షిత్‌ కృషి వల్లే నాటునాటు పాటకు ఆస్కార్ వచ్చిందని కీరవాణి అన్నారు.
సంగీత దిగ్గజం కీరవాణి ఇంకా మాట్లాడుతూ.. చెన్నైలోని ప్రసాద్‌ 70 ఎం. ఎం. థియేటర్‌లో ఈ నాటు నాటు పాట రికార్డు అయింది. ఆ సమయంలో నాకు కలిగిన అనుభూతి స్వీట్‌ లాంటిదైతే.. ‘ఆస్కార్’ వేదిక పై కలిగిన అనుభూతి మంచి టీ తాగినట్టుగా అనిపించింది అని కీరవాణి అన్నారు.
ఇవి కూడా చదవండి..
