టాలీవుడ్ ఎన‌ర్జిటిక్ హీరో రామ్, తమిళ డైరెక్ట్‌ర్‌ లింగుస్వామి కాంబోలో ‘ది వారియర్’ మూవీ తెరకెక్కుతోన్న సంగతి తెలిసిందే. తెలుగు, తమిళ భాష‌ల్లో తెర‌కెక్కుతున్న ఈ మూవీలో కృతిశెట్టి హీరోయిన్‌గా న‌టిస్తోంది. ఇక రామ్ ఈ చిత్రంతో కోలీవుడ్ ఎంట్రీ ఇస్తుండటం విశేషం. ఇక ఈ చిత్రంలో క‌న్న‌డ భామ అక్ష‌ర గౌడ కీలక పాత్రలో కనిపించనుంది. ప‌వ‌న్ కుమార్ స‌మ‌ర్పణ‌లో శ్రీనివాసా సిల్వ‌ర్ స్క్రీన్స్ బ్యానర్పై శ్రీనివాసా చిట్టూరి ఈ సినిమాను నిర్మిస్తున్నారు. దేవీ శ్రీ ప్ర‌సాద్ సంగీతం అందిస్తున్నారు. ఇప్పటికే ఈ సినిమా నుండి వచ్చిన బుల్లెట్ సాంగ్ నెట్టింట ట్రెండింగ్‌లో దూసుకుపోతోంది. ఈ నేపథ్యంలో తాజాగా ఈ మూవీ టీజర్ వదిలారు చిత్రబృందం.
టీజర్ విషయానికొస్తే..‘ఒక్కొక్క‌డికి పెడుతున్నాడు..కానీ ఒక‌ట‌ప్ప కొట్టిన వెంట‌నే పెయిన్ కిల్ల‌ర్ ట్యాబ్‌లెట్ ఇస్తాడు..అంటూ రామ్ గురించి ఇంట్ర‌డ్యూస్ చేస్తూ వ‌చ్చే సంభాష‌ణ‌లు సినిమాపై క్యూరియాసిటీని పెంచుతున్నాయి. డిప్యూటీ సూప‌రింటెండ్ ఆఫ్ పోలీస్ స‌త్య పోరీని నేను ‘ అంటూ కృతిశెట్టి చెబుతున్న డైలాగ్స్ థియేట‌ర్ల‌లో మాస్ ట్రీట్‌ను అందించేలా ఉన్నాయి. రామ్ పోలీసాఫీస‌ర్ లుక్‌లో కొత్త‌గా క‌నిపిస్తూ ఫ్యాన్స్ కు విజువ‌ల్ ట్రీట్ అందించేందుకు రెడీ అవుతున్న‌ట్టు టీజ‌ర్‌తో చెప్పేశాడు డైరెక్ట‌ర్. ఆది పినిశెట్టి ఇందులో విల‌న్‌గా నటిస్తున్నాడు.
