టాలీవుడ్ విలక్షణ నటుడు, నవరస నటసార్వభౌమ కైకాల సత్యనారాయణ మరణ వార్తతో టాలీవుడ్ లో విషాధ చాయలు అలుముకున్నాయి. కైకాల మృతితో ఆయనతో తమకు ఉన్న అనుబంధాన్ని పలువురు గుర్తుచేసుకుని సంతాపం వ్యక్తం చేస్తున్నారు. కైకాల సత్యనారాయణ మరణం తమని తీవ్రంగా కలిచివేసిందని తెలంగాణ మంత్రి హరీష్‌ రావు ఆవేదన వ్యక్తం చేశారు. కైకాల 800 సినిమాలో వివిధ రకాల పాత్రలతో అలరించి నవరస నటసార్వభౌమగా వెలుగొందారని హరీష్‌ రావు కొనియాడారు.
కైకాల ఆత్మకు శాంతి చేకూరాలని మంత్రి హరీష్‌ రావు సంతాపం వ్యక్తం చేస్తూ.. కైకాల కుటుంబ సభ్యులకు ప్రగాఢ సానుభూతి తెలిపారు. కైకాల సత్యనారాయణ మృతి తెలుగు సినీ పరిశ్రమకు తీరని లోటని మండలి చైర్మన్‌ గుత్తా సుఖేందర్ రెడ్డి అన్నారు.కైకాల సత్యనారాయణ మృతి పట్ల మంత్రి తలసాని శ్రీనివాస్ యాదవ్ సంతాపం ప్రకటించారు. తన నటనతో సినీ అభిమానులను మెప్పించి, 777 చిత్రాలలో నటించిన కైకాల సత్యనారాయణ మృతి చిత్రసీమకు, అభిమానులకు తీరని లోటని మంత్రి ఎర్రబెల్లి దయాకర్ రావు అన్నారు.
