ఫోర్బ్స్‌ 30లో తెలంగాణ మహిళా పారిశ్రామికవేత్త..

ప్రఖ్యాత ఫోర్బ్స్ 30 జాబితాలో చోటు సంపాదించుకున్నారు తెలంగాణకు చెందిన మహిళా పారిశ్రామిక వేత్త కొత్త కీర్తిరెడ్డి(24). ఫోర్బ్స్‌ పత్రిక ప్రకటించిన 30 మంది యువ ప్రతిభావంతుల జాబితాలో స్ధానం దక్కించుకున్నారు.

కొత్త కీర్తిరెడ్డిది సిద్దిపేట జిల్లా దుబ్బాక మండలం పోతారం గ్రామం. ఆమె తండ్రి ప్రస్తుత మెదక్ ఎంపీ ప్రభాకర్ రెడ్డి. లండన్‌ స్కూల్‌ ఆఫ్‌ ఎకానమిక్స్‌ నుంచి గ్లోబల్‌ మాస్టర్స్‌ పట్టా పొందిన కీర్తి…ప్రస్తుతం స్టాట్విగ్‌ అనే వ్యాక్సిన్‌ ట్రాకింగ్‌ కంపెనీకి చీఫ్‌ ఆపరేటింగ్‌ ఆఫీసర్‌గా పనిచేస్తున్నారు.

ఫార్మా కంపెనీల్లో తయారైన వ్యాక్సిన్‌ గమ్యస్థానాలకు చేరేదాకా నిరంతరం పర్యవేక్షించేలా వ్యాక్సిన్‌ ట్రాకింగ్‌ విభాగాన్ని కీర్తి నిర్వహించి సత్ఫలితాలను సాధించారు.ఈ ఏడాది ఫోర్బ్స్‌ జాబితాలో స్థానం సంపాదించిన మొత్తం 13 మంది మహిళల్లో కీర్తిరెడ్డి ఒకరు.