తెలంగాణలో 27,612కు చేరిన కరోనా కేసులు

తెలంగాణలో కరోనా పాజిటివ్ కేసుల సంఖ్య రోజురోజుకి పెరిగిపోతూనే ఉన్నాయి. రోజుకు దాదాపుగా 2వేలకు చేరువలో కరోనా కేసులు నమోదవుతున్నాయి. గత 24 గంట‌ల్లో కొత్త‌గా 1,879 పాజిటివ్ కేసులు న‌మోదుకాగా ఏడుగురు మృత్యువాత పడ్డారు.

24 గంట‌ల్లో 6,220 శాంపిల్స్ టెస్ట్ చేయ‌గా 1,879 పాజిటివ్ కేసులుగా నిర్ధారించారు. నిన్న నమోదైన కేసుల్లో 1,422 గ్రేటర్ హైదరాబాద్ పరిధిలోనే కావడం విశేషం.

ఇక తెలంగాణలో ఇప్పటివరకు 27,612 కరోనా కేసులు నమోదుకాగా 313 మంది మృతి చెందారు. ప్ర‌స్తుతం తెలంగాణలో యాక్టివ్ కేసులు 11,012 ఉండ‌గా.. 16,287 మంది పూర్తిగా కోలుకుని డిశ్చార్జ్ అయ్యారు.