ఈ నెల 26వ తేదీ నుంచి అసెంబ్లీ సమావేశాలు ప్రారంభం కానున్నాయి. బడ్జెట్ సమావేశాలకు ప్రభుత్వం సిద్ధమవుతోంది. ఫిబ్రవరి 28న అసెంబ్లీలో వార్షిక బడ్జెట్ను ప్రవేశపెట్టేందుకు ఏర్పాట్లు పూర్తయ్యాయి. ఆర్థిక శాఖ ఇప్పటికే వివిధ శాఖల నుంచి ప్రతిపాదనలు సేకరించి తుది రూపకల్పనలో నిమగ్నమైంది.
ఈసారి సభను 10 నుంచి 15 రోజుల పాటు నిర్వహించాలని ప్రభుత్వం ఆలోచిస్తున్నట్లు సమాచారం. బడ్జెట్ ప్రవేశపెట్టిన అనంతరం దానిపై సవివర చర్చలు జరిగే అవకాశం ఉంది. ప్రతిపక్షాలు కూడా వివిధ అంశాలపై ప్రభుత్వం ముందు ప్రశ్నలు ఉంచేందుకు వ్యూహాలు సిద్ధం చేస్తున్నాయి. ముఖ్యంగా సంక్షేమ పథకాలు, అభివృద్ధి కార్యక్రమాలు, ఆదాయం-వ్యయం సమతుల్యత వంటి అంశాలపై చర్చలు కొనసాగే అవకాశముంది.
బడ్జెట్లో రైతులు, మహిళలు, యువత, ఉద్యోగుల కోసం ప్రత్యేక కేటాయింపులు ఉండొచ్చని అంచనాలు వ్యక్తమవుతున్నాయి. అలాగే మౌలిక వసతుల అభివృద్ధి, పరిశ్రమలకు ప్రోత్సాహకాలు, విద్యా-ఆరోగ్య రంగాలకు అధిక నిధులు కేటాయించే అవకాశముందని సమాచారం. సమావేశాల సందర్భంగా శాంతి భద్రతల పరంగా కూడా అధికారులు కట్టుదిట్టమైన ఏర్పాట్లు చేస్తున్నారు. ఈ బడ్జెట్ సమావేశాలు రాష్ట్ర ఆర్థిక దిశను నిర్ణయించే కీలక వేదికగా మారనున్నాయి.
Also Read:కనిపించిన రంజాన్ నెలవంక