న్యూజిలాండ్‌తో జరిగిన టీ20 సిరీస్‌ను చేజిక్కించుకుంది భారత్. నిర్ణయాత్మకమైన మూడో టీ20లో భారత్ ఘన విజయం సాధించింది.235 పరుగుల భారీ లక్ష్యంతో బరిలోకి దిగిన కివీస్.. కేవలం 66 పరుగులకే కుప్పకూలింది. భారత బౌలర్లలో కెప్టెన్ హార్ధిక్ పాండ్యా 4 వికెట్లతో చెలరేగాడు. ఉమ్రాన్ మాలిక్, అర్ష్ దీప్ సింగ్, శివమ్ మావి తలో రెండు వికెట్లు తీశారు.
ఇక అంతకముందు తొలుత బ్యాటింగ్ చేసిన భారత్ నిర్ణీత 20 ఓవర్లలో 4 వికెట్ల నష్టానికి 234 పరుగులు నమోదు చేసింది. ఓపెనర్‌ శుభ్ మన్ గిల్ ఆకాశమే హద్దుగా చెలరేగాడు. కివీస్ బౌలర్లను ఊచకోత కోశాడు. 63 బంతుల్లోనే 7 సిక్సర్లు, 12 ఫోర్లతో 126 పరుగులతో అజేయంగా నిలిచాడు. టీ20ల్లో తొలి సెంచరీని సాధించాడు.రాహుల్ త్రిపాఠి 44 (22 బంతులు, 3 సిక్సర్లు, 4 ఫోర్లు), సూర్యకుమార్ యాదవ్ 24 (13 బంతులు, 2 సిక్సర్లు, 1 ఫోర్), హార్దిక్ పాండ్యా 30 (17 బంతులు, 1 సిక్సర్, 4 ఫోర్లు) పరుగులు సాధించారు.
ఇవి కూడా చదవండి..
