ప్రోటెం స్పీకర్‌గా ముంతాజ్‌ అహ్మద్‌ఖాన్ ప్రమాణస్వీకారం..

తెలంగాణ రాష్ట్ర శాసనసభ ప్రోటెం స్పీకర్‌గా మజ్లిస్ ఎమ్మెల్యే ముంతాజ్ అహ్మద్‌ఖాన్ ఎన్నికైన విషయం తెలిసిందే. ఆయన నేడు (బుధవారం) సాయంత్రం రాజ్‌భవన్‌లో ప్రమాణస్వీకారం చేయనున్నారు. రాజ్‌భవన్‌లో గవర్నర్ నరసింహన్ సాయంత్రం 5 గంటలకు చార్మినార్ స్థానం నుంచి గెలిచిన అహ్మద్‌ఖాన్‌తో ప్రమాణం చేయించనున్నారు. అహ్మద్‌ఖాన్ అధ్యక్షతన గురువారం 11.30 గంటలకు శాసనసభ సమావేశాలు ప్రారంభంకానున్నాయి.

ఇక రేపు (గురువారం) స్పీకర్ ఎన్నికకు షెడ్యూల్ ప్రకటన విడుదల చేసి.. జనవరి 18న స్పీకర్ ఎన్నిక ప్రక్రియను నిర్వహిస్తారు. ఇక ఈనెల 19న ఉదయం 11.30 గంటలకు మండలి సమావేశం ప్రారంభమవుతుంది. ఈనెల 19న ఉభయసభల సభ్యులను ఉద్దేశించి గవర్నర్ నరసింహన్ ప్రసంగిస్తారు. 20న గవర్నర్ ప్రసంగానికి ధన్యవాదాలు తెలిపే తీర్మానంపై చర్చ ఉంటుంది.