Delhi SIRపై సుప్రీం విచారణ

ఢిల్లీలోని ఓటర్ల జాబితా ప్రత్యేక సమగ్ర సవరణ (SIR) ప్రక్రియలోని లోపాలపై దాఖలైన పిటిషన్‌ను ముందస్తు ప్రాధాన్యత (Precedence) ప్రాతిపదికన విచారించడానికి సుప్రీంకోర్టు గురువారం అంగీకరించింది.

భారత ప్రధాన న్యాయమూర్తి (CJI) జస్టిస్ సూర్యకాంత్ నేతృత్వంలోని త్రిసభ్య ధర్మాసనం ఈ పిటిషన్‌ను విచారణకు స్వీకరించింది. పిటిషనర్ల అభ్యంతరం: సీనియర్ న్యాయవాదులు ప్రశాంత్ భూషణ్, నేహా రాఠీలు ఈ పిటిషన్‌ను దాఖలు చేశారు. ఢిల్లీలో ముసాయిదా ఓటర్ల జాబితా నుంచి దాదాపు 47 లక్షల మందికి పైగా పేర్లను స్పష్టమైన కారణాలు లేకుండా తొలగించారని, అదనంగా మరో 33 లక్షల మందికి ఎన్నికల కమిషన్ నోటీసులు పంపడానికి సిద్ధమవుతోందని వారు కోర్టు దృష్టికి తీసుకెళ్లారు.

Also Read:మోదీ@76..ప్రముఖుల విషెస్

ఎన్నికల నిబంధనల ప్రకారం నోటీసులు ఎవరికి జారీ చేస్తున్నారనే వివరాలను అధికారికంగా వెల్లడించాల్సి ఉన్నప్పటికీ, ఎన్నికల అధికారులు ఆ సమాచారాన్ని బయటపెట్టడం లేదని ప్రశాంత్ భూషణ్ ఆరోపించారు. ఈ పిటిషన్‌ను ఇతర ఎస్‌ఐఆర్ (SIR) కేసులతో కలిపి వచ్చే వారంలో సుప్రీంకోర్టు సమగ్రంగా విచారించనుంది.