బాలకృష్ణ ప్రతిష్టాత్మకంగా నిర్మిస్తూ, నటిస్తున్న చిత్రం ‘ఎన్టీఆర్’. క్రిష్ తెర‌కెక్కిస్తున్న ఈ చిత్రంలో బాలకృష్ణ టైటిల్ రోల్‌ని పోషిస్తున్నాడు. యన్.బి.కె.ఫిలింస్ పతాకంపై రూపొందుతున్న ఈ చిత్రాన్ని వారాహి చలన చిత్రం, విబ్రి మీడియా సమర్పిస్తున్నాయి. చిత్రంలో పాత్ర‌ల‌కి సంబంధించిన క్లారిటీ మెల్ల‌మెల్ల‌గా వ‌స్తుంది. ఎన్టీఆర్ సినీ,రాజకీయ జీవితంలో కీలకపాత్ర పోషించిన వాళ్లంద‌రికీ ప్రాణం పోసి తీసుకొస్తున్నాడు క్రిష్.
ఇందులో భాగంగానే ఏఎన్నార్ బర్త్ డే సందర్భంగా సినిమాలో ఆయన లుక్‌ని రివీల్ చేశారు క్రిష్. ఎన్టీఆర్ జీవితంలో ఏఎన్నార్ పాత్ర మ‌ర‌వ‌లేనిది. ఇద్ద‌రూ క‌లిసి చాలా సినిమాల్లో నటించారు కూడా. ఏఎన్నాఆర్ లేకుండా పెద్దాయ‌న జీవితం ప‌రిపూర్ణం కాలేదు. అందుకే ఏఎన్నార్‌ను తలపించే విధంగా సుమంత్ పాత్రను తీర్చిదిద్దారు.
ఇక బాహుబలి సినిమాతో ప్రపంచ వ్యాప్తంగా మంచి క్రేజ్‌ను సొంతం చేసుకున్న రానా లుక్ సైతం ప్రేక్షకులను ఆకట్టుకున్న సంగతి తెలిసిందే. చంద్రబాబు పాత్రలో ఒదిగిపోయాడు రానా. ఇక ఈ సినిమాలో ఎస్వీఆర్ పాత్రలో నాగబాబు .. శ్రీదేవి పాత్రలో రకుల్ కనిపించనున్నారు. బసవతారకం పాత్రలో విద్యాబాలన్ నటించారు. చంద్రబాబు భార్య భువ‌నేశ్వ‌రి పాత్రలో మ‌ల‌యాళ న‌టి మంజిమో మోహ‌న్ న‌టిస్తుంది. హెచ్ఎమ్ రెడ్డి పాత్రలో సీనియర్ నటుడు కైకాల సత్యనారాయణ న‌టిస్తున్నారు.
Marking the birth anniversary of the legendary #ANR, Here's a tribute from team #NTRBiopic #NTR#ANRLivesOn #NandamuriBalakrishna @DirKrish @NBKFilms_ @VaaraahiCC @vishinduri @mmkeeravaani @gnanashekarvs @RanaDaggubati @isumanth pic.twitter.com/YOwS5XJ3EF
— NBK FILMS (@NBKFilms_) September 20, 2018
