బెల్లంకొండ సాయి శ్రీనివాస్-కాజల్ కాంబినేషన్‌లో తెరకెక్కుతున్న చిత్రం కవచం. ఇప్పటికే షూటింగ్ పూర్తిచేసుకున్న ఈ చిత్రం డిసెంబర్ 7న ప్రేక్షకుల ముందుకురానుంది. ప్రస్తుతం పోస్ట్ ప్రొడక్షన్ కార్యక్రమాలను జరుపుకుంటున్న ఈ చిత్రం త్వరలోనే సెన్సార్ ఫార్మాలిటిస్‌ని కూడా కంప్లీట్ చేయనుంది.
యాక్షన్ థ్రిల్లర్ గా రూపొందుతున్న ఈ చిత్రంపై భారీ ఆశలు పెట్టుకున్నారు శ్రీనివాస్. టీజర్,ఫస్ట్ లుక్‌తో ఇప్పటికే అంచనాలను పెంచేసింది. టీజర్‌కు ఏకంగా 10 మిలియిన్ డిజిటల్ వ్యూస్‌ సాధించి ప్రేక్షకుల మన్ననలు పొందింది.
ఈ సినిమాతో శ్రీనివాస్ మామిళ్ళ ద‌ర్శ‌కుడిగా ప‌రిచ‌యం అవుతుండగా కెరీర్‌లో తొలిసారి ఇందులో బెల్లంకొండ సాయి శ్రీనివాస్ పోలీస్ ఆఫీసర్‌గా నటిస్తున్నారు. హర్షవ‌ర్ధ‌న్ రానే, బాలీవుడ్ న‌టుడు నీల్ నితిన్ ముఖేష్ ఈ చిత్రంలో కీల‌క‌పాత్ర‌ల్లో నటిస్తున్నారు. తమన్ ఈ చిత్రానికి సంగీతం అందిస్తుండ‌గా.. ఛోటా కే నాయుడు సినిమాటోగ్ర‌ఫీ అందిస్తున్నారు. వంశ‌ధార క్రియేష‌న్స్ సంస్థ‌లో న‌వీన్ సొంటినేని(నాని) కవచం సినిమాను నిర్మిస్తున్నారు.
