అన్‌స్టాపబుల్ సీజన్ 3లో శ్రీలీల ఆసక్తికర వ్యాఖ్యలు చేసింది. షోలో బాలకృష్ణ.. భగవంత్ కేసరి మూవీని ఎందుకు ఒప్పుకున్నావు అని అడగ్గా.. పెళ్లి సందడి సినిమా తర్వాతే ఈ కథ విన్నాను. అప్పటికే నాకు హీరోయిన్‌గా వరుస ఆఫర్స్ వస్తున్నాయి. దాంతో ఈ సినిమా చేయొద్దని చాలా మంది చెప్పారు. కానీ, హీరోయిన్‌గా ఒకటి పోతే ఇంకో ఆఫర్ రావొచ్చు. కానీ, ఇలాంటి పాత్రలు మళ్ళీ, మళ్ళీ రావు. అందుకే, ఒప్పుకున్నానని శ్రీలీల చెప్పింది. శ్రీలీల కు ఉన్న క్లారిటీ చూసి అటు బాలయ్యతో పాటు ప్రేక్షకులు కూడా ఫిదా అయ్యారు. చిన్న వయసులోనే ఇంత క్లారిటీ ఉండటం రేర్ అంటూ నెటిజన్లు శ్రీలీల పై పొగడ్తల వర్షం కురిపిస్తున్నారు.
ఇక నంద‌మూరి బాలకృష్ణ, అనిల్ రావిపూడి కాంబినేష‌న్‌లో వ‌స్తున్న ఈ భగవంత్ కేసరి మ‌రో రెండ్రోజుల్లో ప్రేక్ష‌కుల ముందుకు రానుంది. ఐతే, ఈ సినిమా సెన్సార్ విష‌యంలో ఓ ఇంట్రెస్టింగ్ న్యూస్ తెలుస్తోంది. భగవంత్ కేస‌రికి సెన్సార్‌లో ఒక్క క‌ట్ కూడా ప‌డ‌లేద‌ట. సెన్సార్‌కు ఎలా పంపించారో అంతే క్లీన్‌గా సినిమా సెన్సార్ పూర్తి చేసుకున్న‌ట్లు నిర్మాత‌లు తెలిపారు. అయినా సింగిల్ క‌ట్ కూడా లేకుండా ‘భగవంత్ కేసరి’ రిలీజ్ కాబోతుంది అంటే.. బాలయ్య అభిమానులు కూడా షాక్ అవుతున్నారు. ఎందుకంటే.. సహజంగానే బాలయ్య సినిమాల్లో యాక్షన్ ఎక్కువ ఉంటుంది. దాంతో కట్స్ పడటం సాధారణం అయిపోయింది.
Also Read:కాంగ్రెస్‌లో తగ్గని కన్ఫ్యూజన్ గోల?
కానీ, ‘భగవంత్ కేసరి’ మాత్రం బాలయ్య సినిమాలకు బిన్నంగా వస్తోంది. అన్నట్టు అనిల్ రావిపూడి ద‌ర్శ‌క‌త్వంలో తెర‌కెక్కిన ఈ సినిమా కోసం బాలయ్య ఎవ‌ర్‌గ్రీన్ సాంగ్ దంచ‌వే మేనత్త కూతురా సాంగ్‌ను రీమిక్స్ చేశారు. అయితే ఈ సాంగ్‌ను రిలీజ్ రోజు నుంచి కాకుండా ద‌స‌రా నుంచి సినిమాలో యాడ్ చేయ‌నున్న‌ట్లు అనిల్ రావిపూడి ఓ ఇంట‌ర్వ్యూలో తెలిపాడు. ఈ సాంగ్ లో బాలయ్య ఫుల్ ఎంటర్ టైన్ మోడ్ లో ఉంటాడని తెలుస్తోంది. అలాగే బాలకృష్ణ – కాజల్ అగర్వాల్ మధ్య మంచి రొమాంటిక్ బిట్స్ కూడా ఉంటాయట. ఈ సినిమా అక్టోబర్ 19న ప్రపంచవ్యాప్తంగా థియేటర్లలోకి రానుంది.
Also Read:CM KCR:కే‌సి‌ఆర్ తో ఢీ కొట్టి నిలిచేరా?
