కాంగ్రెస్‌ డిజిట‌ల్ మెంబ‌ర్ షిప్ తీసుకున్న సోనియా గాంధీ..

కొన్ని రోజులుగా కాంగ్రెస్ పార్టీ డిజిట‌ల్ మెంబ‌ర్‌షిప్ డ్రైవ్‌ను కొన‌సాగిస్తున్న సంగ‌తి తెలిసిందే. ఈ మెంబ‌ర్‌షిప్ డ్రైవ్ శుక్ర‌వారంతో ముగిసింది. అయితే ఈ డ్రైవ్ ముగిసే రోజున పార్టీ తాత్కాలిక అధ్య‌క్షురాలు సోనియా గాంధీ పార్టీ డిజిట‌ల్ సభ్య‌త్వం తీసుకున్నారు. ఈ సందర్భంగా సోనియాకు ఇచ్చిన డిజిట‌ల్ మెంబ‌ర్ షిప్ గుర్తింపు కార్డును కాంగ్రెస్ పార్టీ త‌న అధికారిక ట్విట్ట‌ర్ ఖాతాలో పోస్ట్ చేసింది.

సోనియా గాంధీ స‌భ్య‌త్వ కార్డును పార్టీ సంస్థాగ‌త వ్య‌వ‌హారాల ఇన్‌చార్జీ కేసీ వేణుగోపాల్ ఆమెకు అందించారు. ఇక‌.. సోనియా ఐడీ నెంబ‌ర్ డీఎల్ 20213212. సోనియా గాంధీ కంటే ముందు మాజీ ప్ర‌ధాని మ‌న్మోహ‌న్ సింగ్ పార్టీ స‌భ్య‌త్వాన్ని న‌మోదు చేసుకున్నారు. ఇక మొత్తం 2.6 కోట్ల మంది స‌భ్యులుగా చేరారు. మ‌రో 3 కోట్ల మంది పేప‌ర్లు నింప‌డం ద్వారా స‌భ్యులుగా చేరారు.