తమిళ హీరో శివకార్తికేయన్ ఒక్కో మెట్టు ఎక్కుతూ స్టార్ హీరోల సరసన నిలిస్తున్నాడు. ఇప్పటి వరకు సూపర్ స్టార్ రజనీకి మాత్రమే జపాన్ లో మంచి ఫ్యాన్ ఫాలోయింగ్ ఉంది. ఇప్పుడిప్పుడే ఈ హీరోకి అక్కడ అభిమానులు పుట్టుకొస్తున్నారు. దీంతో శివకార్తికేయన్ తో సినిమాలు చేయడానికి తమిళ నిర్మాతలు ఆసక్తి చూపిస్తున్నారు. జపాన్ లో రజనీ సినిమాలు టొక్యో, యొకొహామా, నగోయా నగరాల్లో రిలీజ్ అవుతుంటాయి. ఇతర ఏ హీరోల సినిమాలు జపాన్ లు ఇలా ఇప్పటి వరకు మూడు చోట్ల రిలీజ్ అయిన దాఖలాలు లేవు.
టొక్యో, యొకొహామా నగరాల్లో మాత్రమే మిగతా హీరోల సినిమాలు రిలీజ్ అవుతాయి. నగోయాలో మాత్రమే రజనీ సినిమాలను ప్రత్యేకంగా విడుదల చేస్తారు. ఇక్కడ రజనీకి ఫ్యాన్ ఫాలోయింగ్ కూడా ఎక్కువే. ఇప్పుడు నగోయా లో శివకార్తికేయన్ కు ఫ్యాన్ ఫాలోయింగ్ పెరిగింది. దీంతో ఆయన తాజా మూవీ రోమో అక్కడ కూడా రిలీజ్ కు రెడీ అవుతోంది. రజనీ, తరువాత ఇక్కడ ఓ హీరో సినిమా రిలీజ్ అవుతుందంటే అది ఒక్క శివకార్తికేయన్ మూవీ అనే చెప్పాలి. మద్రాస్ మూవీస్ పతాకంపై తెరకెక్కిన ఈ చిత్రంలో శివకార్తికేయన్ సరసన కీర్తి సురేష్ హీరోయిన్ గా నటించింది. అనిరుధ్ సంగీతం అందించాడు. ఈనెల 7 న ఈ మూవీ విడుదలకు సిద్దమవుతోంది.
