స్టాక్ మార్కెట్ ఒడిదుడుకుల మధ్య పెట్టుబడిదారులు తమ పొదుపును ఎక్కడ, ఎలా పెట్టుబడి పెట్టాలనే అయోమయంలో ఉన్నారు. మ్యూచువల్ ఫండ్స్లో పెట్టుబడి పెట్టేటప్పుడు ప్రధానంగా వినిపించే పేర్లు.. SIP మరియు లంప్ సమ్. వీటిలో ఏది బెటరో తెలుసుకుందాం.
1. సిస్టమాటిక్ ఇన్వెస్ట్మెంట్ ప్లాన్ (SIP)
SIP అంటే ప్రతి నెలా ఒక నిర్ణీత మొత్తాన్ని క్రమం తప్పకుండా పెట్టుబడి పెట్టడం. మార్కెట్ హెచ్చుతగ్గుల వల్ల కలిగే రిస్క్ తక్కువగా ఉంటుంది. దీనిని ‘రూపీ కాస్ట్ యావరేజింగ్’ అంటారు. మార్కెట్ పడిపోయినప్పుడు ఎక్కువ యూనిట్లు, పెరిగినప్పుడు తక్కువ యూనిట్లు వస్తాయి. నెలవారీ ఆదాయం ఉండి, మార్కెట్ టైమింగ్తో సంబంధం లేకుండా దీర్ఘకాలికంగా సంపదను సృష్టించాలనుకునే వారికి ఇది ఉత్తమం.
2. లంప్ సమ్ (Lump Sum) పెట్టుబడి
ఒకేసారి పెద్ద మొత్తంలో డబ్బును పెట్టుబడి పెట్టడాన్ని లంప్ సమ్ అంటారు. మార్కెట్ కనిష్ట స్థాయిలో ఉన్నప్పుడు పెట్టుబడి పెడితే, మార్కెట్ కోలుకున్నాక భారీ లాభాలు వచ్చే అవకాశం ఉంది. మార్కెట్పై అవగాహన ఉండి, అదనపు నగదు (బోనస్ లేదా ఆస్తి అమ్మకం ద్వారా వచ్చిన సొమ్ము) అందుబాటులో ఉన్నవారికి ఇది సరైనది.
సెన్సెక్స్, నిఫ్టీలు ఆల్-టైమ్ హైలో ఉన్నప్పుడు లంప్ సమ్ కంటే SIP వైపు మొగ్గు చూపడం సురక్షితం. ఒకవేళ మార్కెట్ 10-15% పడిపోతే, ఆ సమయంలో లంప్ సమ్ పెట్టుబడి పెట్టడం ద్వారా భవిష్యత్తులో అధిక లాభాలను అందుకోవచ్చు.
Also Read:డైటింగ్ కంటే ఇలా చేస్తేనే మేలు?
ఎక్కువ రిటర్న్స్ కావాలని కోరుకునే వారు మార్కెట్ కదలికలను గమనిస్తూ ఉండాలి. క్రమశిక్షణతో కూడిన పెట్టుబడి కావాలంటే SIP ఉత్తమ మార్గం. మ్యూచువల్ ఫండ్ పెట్టుబడులు మార్కెట్ రిస్క్లకు లోబడి ఉంటాయి. పెట్టుబడి పెట్టే ముందు మీ ఆర్థిక సలహాదారుని సంప్రదించండి.