బొమ్మరిల్లు, నువ్వొస్తానంటే నేనొద్దంటానా.. లాంటి సినిమాలతో టాలీవుడ్ లో స్టార్ హీరోగా ఓ వెలుగు వెలిగిన సిద్ధార్థ్, తరువాత ఆ సక్సెస్ ను కొనసాగించలేకపోయాడు. వరుస ఫ్లాప్ లతో డీలా పడ్డ సిద్ధూ టాలీవుడ్ వదిలేసి చెన్నై వెళ్లిపోయాడు. అక్కడ కూడా మంచి సక్సెస్ లు రాకపోవటంతో అవకాశాలు తగ్గిపోయాయి. అడపాదడపా సినిమాలు చేస్తూ కెరీర్ నెట్టుకొస్తున్న సిద్ధార్థ్ మరోసారి టాలీవుడ్ ఇండస్ట్రీ మీద దృష్టిపెట్టాడు.
ఒక హర్రర్ కథని ఒకే సారి మూడు భాషల్లో తెరకెక్కిస్తున్నాడు. ది హౌస్ నెక్స్ట్ డోర్ అనే ఆ సినిమాను ఒకేసారి హిందీ – తెలుగు – తమిళ్ లో రూపొందిస్తున్నారు. మిలింద్ రాజు దర్శకత్వం వహిస్తున్న ఆ సినిమాలో సిద్దార్థ్ కి జోడిగా ఆండ్రియా జెరీమియా నటిస్తోంది. మరొక ముఖ్యమైన విషయం ఏమిటంటే సిద్దార్థ్ ఈ సినిమాను ఎటాకీ ఎంటర్టైన్మెంట్స్ బ్యానర్ లో నిర్మిస్తున్నాడు. త్వరలోనే ఈ సినిమాకు సంబందించి టీజర్ ని రిలీజ్ చేసే ఆలోచనలో సిద్దార్థ్ ఉన్నట్లు తెలుస్తోంది. ఈ మూడు భాషల్లోను ఈ సినిమా తనకి సక్సెస్ ను తెచ్చిపెడుతుందనే నమ్మకంతో సిద్ధార్థ్ వున్నాడు.
