టాలీవుడ్‌ యంగ్ హీరోల్లో విభిన్నమైన…విలక్షణమైన కథలతో సక్సెస్ బాట పట్టిన హీరో శర్వానంద్. కథల ఎంపికలో జాగ్రత్త…వైవిధ్యానిని పెద్దపీట వేసే ఈ హీరో టాలీవుడ్‌లో నిర్మాతల పాలిట కల్పవృక్షంలా మారాడు. ప్రస్తుతం అందాల రాక్షసి,కృష్ణగాడి వీర ప్రేమకథ,లై సినిమాలతో ఆకట్టుకున్న హను రాఘవపూడితో సినిమా చేస్తున్నాడు.
శరవేగంగా షూటింగ్ జరుపుకుంటున్న ఈ చిత్రంలో శర్వా సరసన ఫిదా ఫేమ్ సాయి పల్లవి జంటగా నటిస్తుండగా రేపు(ఏప్రిల్ 6న) ఫస్ట్ లుక్‌ని విడుదల చేయనున్నారు. వర్షంలో హీరోయిన్‌ వెళ్తుంటే.. ఆమె వెనకాలే పరిగెత్తే హీరోను చూపించారు. రొమాంటిక్‌ యాక్షన్‌ ఎంటర్‌టైనర్‌ గా తెరకెక్కుతున్న ఈ చిత్రానికి విశాల్‌ సంగీతం అందిస్తుండగా సుధాకర్‌ చెరుకూరి, ప్రసాద్‌ చుక్కపల్లిలు నిర్మిస్తున్నారు.
ఈ సినిమా కోసం సరికొత్త టైటిల్‌ని రిజిస్టర్ చేయించినట్లు తెలుస్తోంది. శర్వా ఈ మూవీలో ఆర్మీ ఆఫీసర్‌ పాత్రలో కనిపించబోతున్నాడన్న టాక్‌. పడి పడి లేచే వయసు లేదా పడి పడి లేచెను మనసు అనే టైటిల్ ను ఖరారు చేసే అవకాశం ఉన్నట్లు సమాచారం.
