బాలీవుడ్ నటుడు శశికపూర్ మృతి…

బాలీవుడ్ దిగ్గజ నటుడు రాజ్‌ కపూర్ సోదరుడు శశికపూర్ కన్నుమూశారు. ముంబైలోని కోకిలాబెన్ ఆస్పత్రిలో కొంతకాలంగా చికిత్స పొందుతున్న ఆయన ఇవాళ తుదిశ్వాస విడిచారు.న‌టుడిగానే కాకుండా ద‌ర్శ‌కుడిగా, నిర్మాత‌గా ఆయ‌న రాణించారు.

1940లోనే బాల నటుడిగా కెరీర్ ప్రారంభించిన శశికపూర్  మొత్తం 116 చిత్రాల్లో నటించారు. వీటిలో 61 చిత్రాల్లో ఆయన హీరోగా నటించారు. ‘దీవార్’, ‘సత్యం శివం సుందరం’, ‘కభీ కభీ’ వంటి ఎన్నో హిట్ చిత్రాలకు ఆయనకు మంచి పేరుతెచ్చాయి.

2010లో ఫిల్మ్‌ఫేర్ జీవిత సాప‌ల్య పుర‌స్కారం, 2011లో ప‌ద్మ భూష‌ణ్ అవార్డు, 2015లో దాదాసాహెబ్ పాల్కే పుర‌స్కారం ల‌భించాయి. శశికపూర్‌ హీరోగా నటించిన తొలి చిత్రం ధర్మపుత్ర. ఆయన చివరి చిత్రం సైడ్‌ స్ట్రీట్స్‌ (1999).  శశికపూర్ మృతితో బాలీవుడ్ చిత్రపరిశ్రమ విషాదంలో మునిగిపోయింది.