‘సర్కారు వారి పాట’ నుండి క్రేజీ అప్‌డేట్..

సూపర్ స్టార్ మహేష్ బాబు ప్రతిష్టాత్మక చిత్రం ‘సర్కారు వారి పాట’ విడుదలకు సిద్దమౌతుంది. కీర్తి సురేశ్ హీరోయిన్‌గా నటించిన ఈ సినిమాను మైత్రీ మూవీ మేకర్స్, జీఏంబీ ఎంటర్టైన్మెంట్, 14 రీల్స్ ప్లస్ బ్యానర్లపై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట నిర్మాతలుగా తెరకెక్కింది. బ్లాక్ బస్టర్ దర్శకుడు పరశురాం దర్శకత్వంలో మే 12న ప్రపంచవ్యాప్తంగా విడుదల కాబోతున్న ఈ సినిమా ప్రచార కార్యక్రమాలు జోరుగా సాగుతున్నాయి.

ఈ నేపథ్యంలో ఈ మూవీ థియేట్రికల్ ట్రైలర్‌ను మే 2న రిలీజ్ చేయబోతున్నారు మేకర్స్‌.తాజా సమాచారం మేరకు ఈ చిత్ర ట్రైలర్‌ను రెండు తెలుగు రాష్ట్రాలలో సెలెక్టెడ్ థియేటర్స్‌లో రిలీజ్ చేయాలని మేకర్స్ ప్లాన్ చేస్తున్నారట. త్వరలో ట్రైలర్‌తో పాటు ఓ మాస్ సాంగ్ లిరికల్ వీడియోను కూడా వదలబోతున్నారు. ఈ మూవీకి ఎస్ ఎస్ థమన్ సంగీత దర్శకుడు.