అనిల్ రావిపూడి దర్శకత్వంలో మహేష్ బాబు హీరోగా తెరకెక్కుతున్న చిత్రం సరిలేరు నీకెవ్వరు. శరవేగంగా షూటింగ్ జరుపుకుంటున్న ఈ చిత్రం సంక్రాంతి కానుకగా జనవరి 12న ప్రేక్షకుల ముందుకురానుంది. ఇక ఈ మూవీలో మేజర్ అజయ్‌గా మహేష్ బాబు కనిపించనుండగా 13 ఏళ్ల తర్వాత తిరిగి మేకప్ వేసుకున్న విజయశాంతి కీలక పాత్రలో నటిస్తున్నారు. దీపావళి కానుకగా విడుదల చేసిన విజయశాంతి లుక్‌ని సంబంధించిన స్టిల్‌కు మంచి రెస్పాన్స్‌రాగా తాజాగా షూటింగ్ సమయంలో తీసిన పిక్ సోషల్ మీడియాలో వైరల్‌గా మారింది.
ఈ ఫోటోలో మహేష్ , విజయ్ శాంతితో నవ్వుతున్న ఫోటోను చిత్ర యూనిట్ పోస్ట్ చేసింది. ఇందులో దర్శకుడు అనిల్‌తో పాటు ప్రకాష్ రాజ్ కుడా ఉన్నారు. సరిలేరు మీకెవ్వరు అంటూ నెటిజన్లు ముఖ్యంగా మహేష్ ఫ్యాన్స్‌ మురిసిపోతున్నారు.
మహేష్ సరసన రష్మిక మందన్న హీరోయిన్‌గా నటిస్తోండగా భారతి అనే లెక్చరర్ పాత్రలో విజయ శాంతి కనిపించనున్నారు. దిల్ రాజు, అనిల్ సుంకరతో కలిసి మహేష్ బాబు ప్రొడ్యూస్ చేస్తుండగా దేవీ శ్రీ ప్రసాద్ సంగీతం అందిస్తున్నారు. మహర్షి చిత్రం తర్వాత మహేశ్ బాబు చేస్తోన్న మూవీ కావడంతో భారీ అంచనాలు నెలకొన్నాయి.
