 గా 1992){kind=link}
తెలంగాణ రాష్ట్ర ప్రభుత్వ పరిపాలనా విభాగంలో కీలక మార్పు చోటుచేసుకుంది. రాష్ట్ర కొత్త ప్రభుత్వ ప్రధాన కార్యదర్శి (చీఫ్ సెక్రటరీ – CS) గా 1992 బ్యాచ్కు చెందిన సీనియర్ ఐఏఎస్ అధికారి సంజయ్ జాజు నియమితులయ్యారు. ఈ మేరకు ప్రభుత్వం త్వరలోనే అధికారిక ఉత్తర్వులను జారీ చేయనుంది.
ప్రస్తుత చీఫ్ సెక్రటరీగా సేవలందిస్తున్న రామకృష్ణారావు ఈ నెల 30 (జూన్ 30) న పదవీ విరమణ పొందనున్నారు. ఆయన పదవీ కాలం ముగియనుండటంతో ప్రభుత్వం తదుపరి సీఎస్గా సంజయ్ జాజు పేరును ఖరారు చేసింది.
1992 ఐఏఎస్ బ్యాచ్కు చెందిన సంజయ్ జాజుకు ఉమ్మడి ఆంధ్రప్రదేశ్తో పాటు తెలంగాణలోనూ అలాగే కేంద్ర ప్రభుత్వ పరిధిలోనూ వివిధ కీలక విభాగాల్లో పనిచేసిన అపార అనుభవం ఉంది. గతంలో ఆయన కేంద్ర సమాచార, ప్రసార శాఖ కార్యదర్శిగా బాధ్యతలు నిర్వర్తించారు. దానికిముందు రక్షణ శాఖలో అడిషనల్ సెక్రటరీగా కూడా సేవలందించారు.
ఉమ్మడి రాష్ట్రంలో ఉన్నప్పుడు ఐటీ శాఖ, పౌరసరఫరాల శాఖ, మున్సిపల్ అడ్మినిస్ట్రేషన్ మరియు వివిధ జిల్లాల కలెక్టర్గా పనిచేసి సమర్థుడైన అధికారిగా పేరు తెచ్చుకున్నారు. ముఖ్యంగా టెక్నాలజీ, ఈ-గవర్నెన్స్ రంగాల్లో ఆయన తీసుకువచ్చిన సంస్కరణలు మంచి గుర్తింపు పొందాయి.
