టాలీవుడ్ హీరోయిన్ సమంత దక్షిణాదిన అగ్ర కథానాయికల్లో ఒక‌రు. ఆమె న‌టించిన సినిమాల‌న్ని సూప‌ర్ డూప‌ర్ హీట్ల‌ను సొంతం చేసుకుంటున్నాయి. విభిన్నమైన కథలను, పాత్రలను ఎంచుకుంటూ వరుస విజయాలను అందుకుంటోంది సమంత. ఇటివ‌ల సమంత న‌టించిన మూడు సినిమాలు భారీ విజ‌యాన్ని అందుకున్న విషయం తెలిసిందే. ప్రస్తుతం మరో మూడు సినిమాలు నిర్మాణ దశలో ఉన్నాయి.
ఈ నేపథ్యంలో సమంత మరో వైవిధ్యభరితమైన కథాంశంతో తెరకెక్కనున్న మూవీలో నటించనుందని సమాచారం. ఈ మూవీకి లేడీ డైరెక్టర్‌ నందినీ రెడ్డి దర్శకత్వం వహించనుంది. అయితే కొన్ని రోజులు క్రితం సమంత, నందినీ రెడ్డి ఈ కథ గురించి చర్చించుకున్నారట. ఇది 2014లో వచ్చిన కొరియన్‌ సినిమా ‘మిస్ గ్రానీ’కి రీమేక్ అని అంటున్నారు.
అయితే ఈ చిత్రంలో లీడ్‌ రోల్‌గా ఒక వృద్ధురాలు కనిపిస్తూ ఉంటుంది. 70 ఏళ్ల వయసులో అమె అతీత శక్తులను కలిగివుంటుంది. ఆమె అవసరమైనప్పుడు యవ్వనవతిగా మారిపోతూ ఉంటుంది. అలాంటి పాత్రలో సమంతను చూపించాలనే ఉద్దేశంతోనే నందినీ రెడ్డి ఉన్నారట. కొత్తదనంతో కూడిన పాత్రలనే ఎక్కువగా చేస్తానని ఇటీవలే చెప్పిన సమంత, ఈ సినిమా నటించనుందని సమాచారం.
