తెలుగు .. తమిళ భాషల్లో సమంతా అగ్రకథానాయికగా వెలుగొందుతోంది. గ్లామర్ కు .. నటనకు సమ ప్రాధాన్యతను ఇవ్వడం వల్లనే ఆమె ఈ స్థానానికి చేరుకున్నారు. ఇకపై నటనకి ఎక్కువ ప్రాధాన్యత వుండే పాత్రలను మాత్రమే చేస్తానని ఆమె ఇటీవల చెప్పారు. అంతేకాదు విభిన్నమైన పాత్రలను ఎంచుకుంటూ, తనని తాను కొత్తగా ఆవిష్కరించే ప్రయత్నం చేస్తానని అన్నారు.వెండితెరపైనే కాదు .. సోషల్ మీడియాలోను సమంతా చాలా యాక్టివ్ గా ఉంటారు. తనకి సంబంధించిన విషయాలను ఎప్పటికప్పుడు అభిమానులతో షేర్ చేసుకుంటూ ఉంటారు. అందువల్ల ఆమె ఫాలోవర్స్ సంఖ్య ఎక్కువగానే వుంటుంది.
ఇక ప్ర‌స్తుతం ఇన్‌స్టాగ్రామ్‌లో సమంతకు 24 మిలియ‌న్ల ఫాలోవర్స్ ఉన్నారు. దీంతో సినిమా, వెబ్ సిరీస్‌లే కాదు ఇన్‌స్టాగ్రామ్ ద్వారా కూడా భారీగా సంపాదిస్తోంది. ఇన్‌స్టాగ్రామ్‌లో బ్రాండ్‌ల‌ను ప్ర‌మోట్ చేయ‌డం ద్వారా నెల‌కు దాదాపు రూ.2 కోట్ల వ‌ర‌కు సంపాదిస్తోంది.
సామ్ ప్ర‌తి సినిమాకు 3.5 కోట్ల నుంచి 4 కోట్ల వ‌ర‌కు రెమ్యున‌రేష‌న్‌ను అందుకుంటుంది. ప్ర‌స్తుతం ఈమె గుణ‌శేఖ‌ర్ ద‌ర్శ‌క‌త్వంలో ‘శాకుంత‌లం’ సినిమా చేస్తుండ‌గా అలాగే ‘య‌శోదా’, విజ‌య్‌తో ‘ఖుషి’ సినిమాల‌ను చేస్తున్నారు.
