సిద్దిపేటలో సందడి చేసిన సమంత..

హీరోయిన్ సమంత సిద్ధిపేటలో ఓ షోరూమ్ ఓపెనింగ్ సందర్భంగా సందడి చేసింది. సిద్ధిపేటలో నూతనంగా ఏర్పాటు చేసిన చెన్నై షాపింగ్ మాల్ ను సమంత జ్యోతి ప్రజ్వలన చేసి ప్రారంభించింది. ఈ సందర్భంగా సమంత మాట్లాడుతూ చెన్నై షాపింగ్ మాల్ కుటుంబంతో చేరడం తనకు సంతోషంగా ఉందని, చెన్నై షాపింగ్ మాల్ సిద్ధిపేటలో ఏర్పాటు చేయడం సంతోషమని చెప్పారు.

ఈ షాపింగ్ మాల్స్ మరిన్ని తెలంగాణ ప్రాంతంలో రావాలని ఆమె ఆకాంక్షించారు. ఈ సందర్భంగా సమంతను చూసేందుకు అభిమానులు పోటెత్తారు. ప్రారంభోత్సవం అనంతరం సమంత షాపింగ్ మాల్లో కలియతిరిగింది. అంతేకాదు అక్కడ అభిమానులతో కలిసి ఫోటోలు దిగి సందడి చేసింది. సమంత రాక అభిమానుల్లో జోష్ నింపింది. ఆమెతో ఫొటోలు, సెల్ఫీలు దిగేందుకు ఆసక్తి చూపారు.